LIVRE 1, CHAPITRE Vlll

Par les anciennes pantarches qui sont en la chambre des comptes à Montsoreau, je trouve qu’il fut vestu en la façon que s'ensuit :

Pour sa chemise furent levées neuf cens aulnes de toille de Chasteleraud, et deux cens pour les coussons en sorte de carreaux, lesquelz on mit sous les csselles. Et n'estoit point froncée, car la fronceure des chemises n'a esté inventée sinon depuis que les lingieres, lorsque la poincte de leur aiguille estoit rompue, ont commencé besoigner du cul.

Pour son pourpoinct furent levées huit cens treize aulnes de satin blanc ; et pour les agueillettes, quinze cens neuf peaulx et demie de chiens. Lors commença le monde attacher les chausses au pourpoinct, et non le pourpoinct aux chausses : car c'est chose contre nature, comme amplement a dcclairé Ockam sus les exponibles de M. Haultcchaussade.

Pour ses chausses furent levées onze cens cinq aulnes et un tiers d’estamet blanc, et furent deschiquetées en forme de colonnes striées et crénelées par le derrière, afin de n’eschauflFer les reins. Et flocquoit par dedans la deschicqueteure de damas bleu, tant que besoin estoit. Et notez qu’il avoit.tres belles griefves, et bien proportionnées au reste de sa stature.

Pour la braguette furent levées seize aulnes un quartier d’iceluy mesme drap, et fut la forme d’icelle comme d’un arc boutant, bien estachée joyeusement à deux belles boucles d’or que prenoient deux crochets d’esmail, en un chascun desquelz estoit enchâssée une grosse esmeraugde de la grosseur d’une pomme d’orange. Car (ainsi que dit Orpheus, Ubro de LapidibuSi et Pline, libro uliimo) elle a vertu crcctive et confortative du membre naturel. L’exiture de la braguette estoit à la longueur d’une canne, deschiquetée comme les chausses, avec le damas bleu flottant comme davant. Mais, voyans la belle brodeure de canetille, et les plaisans cntrelaz d’orfevrerie garnis de fins diamants, fins rubis, fines turquoises, fines esmeraugdes, et unions persicques, vous l’eussiez comparée à une belle corne d’abondance, telle que voyez es antiquailles, et telle que donna Rhéa es deux nymphes Adrastéa et Ida, nourrices de Jupiter. Tousjours galante, succulente, resudante, tousjours verdoyante, tousjours fleurissante, tousjours fructifiante, pleine d'humeurs, pleine de fleurs, pleine de fruietz, pleine de toutes delices ; j’advoue Dieu s’il ne la faisoit bon voir. Mais je vous en exposeray bien davantaige au livre que j’ay fait De la Dignité des braguettes: D’un cas vous advertis que, si elle estoit bien longue et bien ample, si estoit elle bien garnie au dedans et bien avitaillée, en rien ne ressemblant les hypocritiques braguettes d'un tas de muguetz, qui ne sont pleines que de vent, au grand interest du sexe féminin.

Pour ses souliers furent levées quatre cens six aulnes de velours bleu cramoysi, et furent deschiquetés mignonnement par lignes parallèles joinc-

GARGANTUA Ib

les en cylindres uniformes. Pour la quarreleure d’iceux furent employées unze cens peaulx de. vache brune, taillées à queues de merluz.

Pour son saye furent levées dix et huit cens aulnes de velours bleu tainct en grene, brodé à l’entour de belles vignettes, et, par le milieu, de pinthes d'argent de canetille, enchevestrées de veiges d’or, avec force perles ; par ce dénotant qu’il seroit un bon fessepinthe en son temps.

Sa ccincture fut de trois cens aulnes et demie de cerge de soye, moitié blanche et moitié bleue, ou je suis bien abusé.

Son espée ne fut Valentienne, ni son poignard Sarragossois : car son pere hayssoit tous ces indalgos bourrachous marranisés comme diables ; mais il eut la belle espée de bois et le poignard de cuir bouilly, peintz et dorés comme un chascun souhaiteroit.

Sa bourse fut faite de la couille d’un oriflant, que lui donna her Pracontal, proconsul de Lybie.

Pour sa robe furent levées neuf mille six cens aulnes moins deux tiers de velours bleu comme dessus, tout porfilé d’or en figure diagonale, dont, par juste perspective, issoit une couleur innommée, telle que voyez es coulz des tourterelles, qui resjouissoit merveilleusement lesyeulx des spectateurs.

Pour son bonnet furent levées trois cens deux au nés un quart de velours blanc, et fut la forme d’iceluy large et ronde à la capacité du chief. Car son pere disoit que ces bonnétz à la marrabaise, faicts comme une crouste de pasté, porteroient quelque jour malencontre à leurs tonduz.

Pour son plumart portait une belle grande plume bleu, prise d’un onocrotal du pays de Hircanie la Sauvage, bien mignonnemcnt pendante sus l’oreille droicte.

Pour son image avoit, en une plataine d’or pesant soixante et huit marcs, une figure d’esmail competent : en laquelle estoit portraict un corps hu main ayant deux testes, l’une virée versl’aultre, quatre bras, quatre pieds, et deux culz ; ainsi que dict Platon, in Symposio, avoir esté l’humaine nature à son commencement mystic ; et, autour, estoit cscrit en lettres ioniques : 'H oyâjvri où Çt^veî va iauT^ç.

iPour porter au col eut une chaine d’or pesante vingt et cinq mille soixante et trois marcs d’or, faicte en forme de grosses bacces, entre lesquelles estoient en œuvre gros jaspes verds, engravés et taillés en dracons, tous environnés de rayes et estincelles, comme les portoit jadis le roy Necepsos Et descendoit jusques à la boucque du petit ventre. Dont, toute sa vie, en eut l’emolument tel que savent les médecins gregoys.

Pour ses gands furent mises en oeuvre seize paulx de lutins, et trois de loups guarous pour la brodure d’iceux. Et de telle matière luy furent faits, par l’ordonnance des cabalistcs de Sainlouand.