CHAPITRE VII

COMMENT LE NOM FUT IMPOSÉ A GARGAICTÜA, ET COMMENT IL nOMOIT LE PIOT

Le bon homme Grandgousicr, beuvant et se rigollant avec les aultres» entendit le cry horrible que son filz avoit faict entrant en lumière de ce . monde, quand il brasmoit demandant : A boire, à boire, à boire ! dont il dist : « Que grand tu as (supple) le gousier. » Ce que oyans les assistans, dirent que vrayement il debvoit avoir par ce le nom Gargantua, puisque telle avoit esté la première parole de son pere à sa naissance, à l’imitatioa

GARGANTUA

cl exemple des anciens Hebreux. A quoy fut condescendu par iceluy, et pleut très bien â sa merc. Et, pour l’appaiser, luy donnèrent à boire à tirelarigot, et fut porlé sus les fonts, et là baptisé, comme est la coustume des bons christiens.

Et lu'y furent ordonnées dix et sept mille neuf cens treize vaches de l’auiille et de Brehemond, pour Talaicter «ordinairement : car, de trouver nourrice suffisante n'estoit possible en tout le pays, considéré la grande quantité de laict requis pour iceluy alimenter, combien qu’aucuns docteurs scotistes ayent atfermé que sa mere l’alaicta, et qu’elle pouvoit traire de ses manunelles quatorze cens deux pipes neuf potées de laict pour chascune fois. Ce que n’est vray semblable. Et a esté la proposition declairéa par Sorbone mammalement scandaleuse, des pitoyables oreilles, offensive, et sentant de loing heresie.

En cest estât passa jusques à un an et dix mois ; onquel temps, par le conseil des medicins, on commença le porter, et fut faicte une belle charrette à bœufs par l’invention de Jean Denyau. Dedans icelle on le pourmenoit par cy par là, joyeusement : et le faisoit bôn voir, car il portoit bonne troigne et avoit presque dix et huit mentons, et ne crioit que bien, peu ; mais il se conchioit à toutes heures ; car il estoit merveilleusement phlegmatique des fesses, tant de sa complexion naturelle que de la dispo- • sition accidentale qui luy estoit advenue par trop huiher de purée septembrale. Et n’en humoit goutte sans cause: car, s’il advenoit qu’il fust despit, courrousé, fasché ou marry; s’il trepignoit, s’il pleuroit, s’il crioit, luy apportant à boire, l’on le remettoit en nature, et soudain demeuroit coy et joyeux.

Une de ses gouvernantes m’a dit, jurant sa fy, que de ce faire il estoit tant coustumier qu’au seul son des pinthes et flaccons il entroit en ecstase, 'comme s’il goustoit les joyes de paradis. En sorte qu’elles, considerans ceste complexion divine, pour le resjouir au matin, faisoient devant luy sonner des verres avec un coustcau, ou des flaccons avec leur toupon, ou des pinthes avec leur couvercle. Auquel son il s’esgayoit, il tressailloit,. et luy mesmes se bressoit en dodelinant de la teste, monochordisant des doigts, et baritonant du cul.