COMMENT LE DIABLE FÛT TROMPÉ PAR DJIE VIEILLE DE PAPEFIGÜIERB
Le laboureur retournant en sa maison estoit triste et pensif. Sa femme, tel le voyant, cuidoit qu’on l’eust au marché desrobé. Mais entendant la cause de sa melancholie, voyant aussi sa bourse pleine d’argent, doulcement le réconforta et l’asceura que de ceste gratelle mal aucun ne luy adviendroit. Seulement que sus elle il eust à se poser et reposer. Elle avoit ja pourpensé bonne issue.,» Pour le pis (disoij le laboureur) je n’en auray qu’une esrafflade : je me rendray au premier cou{J et luy quitteray le champ. — Rien, rien, dist la vieille; posez vous sus moy et reposez : laissez moy faire. Vous m’avez dict que c’est un petit diable ; je le vous feray soubdain rendre, et le champ nous demourera. Si c’eust esté un grand diable', il y auroit à penser. »
Le jour de l’assignation estoit lorsqu’on l’isle nous arrivasmes. A bonne heure du matin le laboureur s’estoit 1res bien confessé, avoit communié, l omme bon catholique, et par le conseil du curé s’esloit au plonge caclié dedans le benoistier, en l’estât que l’avions trouvé.
Sus l’instant qu’on nous racontoit ceste histoire, eusmes advertissenicnt que la vieille avoit trompé le diable et guaigné le champ. La maniéré fut telle. Le diable vint à la porte du laboureur, et, sonnant, s’esçria : « O villain, villain, ça, ça, à belles grypbes! »
Puis entrant en la maison gallant et bien délibéré, et n’y trouvant le laboureur, advisa sa femme en terre pleurante et lamentante. « Qu’est cecy? demandüit le diable. Où est il? Que fait il? — Ha, dist la vieille, où est il le meschant, le bourreau, le brigant ? 11 m a alfollée, je suis perdue, je meurs du mal qu’il m’a faict. — Comment, dist le diabte, qui a il? Je le vous guallcray bien tantoust. — Ha, dist la vieille, il m* dict.
le bourreau, le tyran, l'esgratigneur de diables, qu’il avoit huy assignation de se gratter avec vous : pour essayer ses ongles il m’a seulement gratté du petit doigt icy entre les jambes, et m’a du tout alTollée. Je suis perdue, jamais je n’en gueriray, regardez. Encores est il allé chez le mareschal soy faire esguiser et apoincter les gryphes. Vous estes perdu, monsieur le diable, mon amy. Saulvez vous, il n’arrestera poinct. Retirez vous, je vous en prie. »
Lors se descouvrit jusques au menton en la forme que jadis les femmes l'ersides se présentèrent à leurs enfans fuyans de la bataille, et luy monstra son comment a nom.
Le diable, voyant l’enorme solution de continuité en toutes dimensions, s’escria : « Mahon, Demiourgon, Megere, Alecto, Perseplione, il ne me’ tient pas ! Je m’en vais bel erre. Celai Je luy quitte le champ. »
Entendans la catastrophe et fin de l’histoire, nous retirasmes en nostre nauf. Et U ne fismes aultre séjour. Pantagruel donna au tronc de la fabrique de l’eglise dix huit mille royaulx d’or en contemplation de la pauvreté du peuple et calamité du lieu.
