CHAPITRE XLVIII

COBUI&NT PANTAGRUEL DESCENDIT EN l’ISLE DBS PAPIMANES

Laissans l’isle desolée des Papefigues, navigasmes par un jour en sérénité et tout plaisir, quand à nostre veue s’offrit la benoiste isle des Papiinanes^oubdain que nos ancres furént au port jettées, avant que nous eussions encoché nos gumenes, vindrent vers nous en un esquif quatre personnes diversement vestuz. L’un en moine < enfrocqué, crotté, botté. L’aultre en faulconnier, avec un leure et guand d’oiseau. L’aultre en solliciteur de procès, ayant un graqd sac plein d’informations, citations, chiquaneries et adjournemens en main. L’aultre en vigneron d’Orléans avec belles guostres de toille, une panouere et une serpe à la ccincture. Incontinent qu’ilz furent joincts à nostre nauf, s’escrierent à haulte voix tous ensemble demandans : « L’avez vous veu, gens passagiers ? l’avez vous veu? — Qui? demandoit Pantagruel. — Celuy là, respondirent ilz. — Qui est il? demanda frere Jean. Par la mort boeuf, jo l’assommerax de coups. » Pensant qu’ils sc guementassent de quelque larron, meurtriérou sacrilege. « Comment, dirent ilz, gens peregrins, ne cognoissez vous l’ Unique ? — Seigneurs, dist Epistemon, nous n’entendons telz termes. Mais exposez nous, s’il vous plaisi, de qui entendez, et nous vous en dirons la vérité sans dissimulation. — C’est, dirent ilz, celuy qui est. L’avez vous jamais veu? —