CHAPITRE LI
HENDS DEVIS DUaAlfT LE DISNER, A LA LOUANGE DES DECRETALES
Or, notez, beuveurs, que durant la messe seche d'Homenas, trois manilliers de l’eglise, chascun tenant un grand bassin en main, se pourmenoient parmy le peuple, disans à haulte voix : a N’oubliez les gens heureux qui l’ont veu en face. » Sortans du temple, ilz apportèrent à Homenas leurs bassins tous pleins de monnoye papimanicque. Homenas nous dist que c’estoit pour faire bonne chere, et que de ceste contribution et taillon, l’une partie seroit employée à bien boire, l’aultre à bien manger, suivant une mirilicque glosse cachée en un certain coignet de leurs sainctes decretales. Ce que fut faict, et en beau cabaret assez retirant à celuy de Guillot en Amiens. Croyez que la repaissaille fut copieuse, et les beuvettes numereuses. En cestuy disner je notay deux choses mémorables : l’une, que viande ne fust apportée, quelle que fust, fussent
chevreaulx, lussent chapons, fussent cochons (desquelz y a foison en Papimanie), fussent pigeons, connilz, levreaulx, cocqs d'iiide, ou aultres, en laquelle n’y eust abondance de farce magistrale ; l’aultre, que tous k sert et dessert fut porte par les filles pucclles mariables du lieu, belles, .e vous affie, saffrettes, blondettes, doulcettes et de bonne grâce ; lesquelles vestues de longues, blanches et déliées aubes à doubles ceintures, le chef ouvert, les cheveulx instrophiés de petites bandelettes et rubans de soye violette, semés de roses, œilletz, maijolaine, aneth, aurande, et aultres fleurs odorantes, à chascune cadence nous invitoient à boire avec doctes et mignonnes reverences. Et estoient voluntiers veues de toute l'assistance. Frere Jean les regardoit de cousté, comme un chien qui emporte un plumail. Au dessert du premier metz fut par elles mélodieusement chanté un epode à la louange des sacrosainctes decretales. Sus l'apport du second service, Homenas, tout joyeux et esbaudy, adressa sa parole à un des maistres sommeliers, disant : « Clerice, esclaire icy. » .A ces motz, une des filles promptement luy présenta un grand hanap plein de vin extravaguant. Il le tint en main, et, soupirant profondément, dist à Pantagruel : « Mon seigneur, et vous, beaux amis, je boy à vous tous de bien bon cœur. Vous soyez les très bien venuz. » Beu qu'il eut et rendu le hanap à la bachelette gentille, fit une lourde exclamation, disant : « O dives decietales ! tant par vous est le vin bon bon trouvé ! — Ce n’est, dist Panurge, pas le pis du panier. — Mieulx seroit, dist Pantagruel, si par elles le mauvais vin devenait bon. — O seraphicque Sixiesme ! dist Homenas continuant, tant vous estes necessaire au saulvement des pauvres humains ! O cherubicques Clémentines ! comment en vous est proprement contenue et descrite la perfaicte institution du vray Christian ! O Extravagantes angelicques, comment sans vous périraient les pauvres âmes, lesquelles, ça bas, errent par les corps mortelz en ceste vallée de inisere ! Helas, quand sera ce don de grâce particulière faict es humains, qu’ilz désistent de toutes aultres estudes et négoces pour vous lire, vous entendre, vous sçavoir, vous user, pratiquer, incorporer, sacjiiificr, et incentricquer es profonds ventricules de leurs cerveaulx, es internes moelles de leurs os, es perplex labyrintes de leurs arteres? O lors et non plus toust, ne aultrement, heureux le monde ! »
A ces motz, se leva Epistemon, et dist tout bellement à Panurge : € Faulte de selle percée me contrainct d’icy partir. Ceste farce m’a desbondé le boyau cullier : je n’arresteray gueres. — O lors, dist Homenas continuant, nullité de gresie, gelée, frimats, vimeres ! O lors, al)ondance éc tous biens en terre ! O lors paix obstinée, infringible en l'univers : cessation de guerres, pilleries, anguaries, briguanderies, assassinemeii" ,
