LIVRE IV, CHAPITRE LI

nables ! Fy, j’en dis fy ! Si dedans vostre moinerie est tel abus de paroles en usaige, laissez le là, ne le transportez hors les cloistres. — Ainsi, respondit Epistemon, disent les médecins estre en quelques maladies certaine participation de divinité. Pareillement Néron louoit leschampeignoiis, et en proverbe grec les appeloit « viande des dieux », pource qu'en iceux il avoit empoisonné son predecesseur Claudius, empereur Romain.

— Il me semble, dist Panurge, que ce portraict fault en nos derniers papes : car je les ay veu non aumusse, ains armet en teste porter, thj-mbré d’une tiare persicque, et tout l’empire Christian estant en paix et silence, eux seulz guerre faire felonne et très cruelle. — C’estoit, dist Homenas, donc contre les rebelles, hereticques, protestons desesperés, non obéissons à la saincteté de ce bon Dieu en terre. Cela luy est non seulement permis et licite, mais commandé par les sacres decretales, et doit à feu incontinent empereurs, rois, ducs, princes, republicques, et à sang mettre, qu’ilz transgresseront un iota de ses mandemens; les spolier de leurs biens, les déposséder de leurs royaumes, les proscrire, les anathematiser, et non seulement leurs corps, et de leurs enfans et parens aultres occire, mais aussi leurs âmes damner au parfond de la plus ardente chauldiere qui soit en enfer. — Icy, dist Panurge, de par tous les diables, ne sont ilz hereticques comme fut Raminagrobis, et comme ilz sont parmy les Allemaignes et Angleterre. Vous estes christians triés sur le volet. — Ouy, vraybis, dist Homenas; aussi serons nous tous saulvés. .Allons prendre de l'eau beniste, puis dipnerons. »