LIVRE IV, CHAPITRE LU

moins et monter dessus, comme Herbaultsus pauvres gens. « Me .emble, dist Pantagruel, qu’en telz blancs l’on eust contre le dangier du traict plus sceurement esté que ne fut jadis Diogenes. — Quoy? demanda Homenas. Comment? Estoit il decretaliste ? — C’est, dist Episfemon retournant de ses affaires, bien rentré de picques noires. — Diogenes, respondit Pantagruel, un jour s’esbattre voulant, visita les archiers qui tiroient à la butte. Entre iceux un estoit tant faultier, imperit et mal adroit, que lors qu’il estoit en rang de tirer, tout le peuple spectateur s’escartoit de peur d’estre par luy féru. Diogenes, l’avoir un coup veu si perversement tirer que sa ileci c tomba plus d’un trabut loing de la butte, au second coup le peuple loing d’un cousté et d’aultre s’escartant, accourut et se tint en pieds jouxte le blanc : affermant cestuy lieu estre le plus sceur, et que l’archier plus toust feriroit tout aultre lieu que le blanc, le blanc seul estre en sceureté du traict.

— Un paige, dist Gymnaste, du seigneur d’Estissac, nommé Chamouillac, apercent le charme. Par son advis Perotou changea de blanc, et y employa les papiers du procès de Pouillac. Adunc tirèrent très bien et les uns et les aultres.

— A Landerousse, dist Rhizotome, es nopces de Jean Delif, fut le festin nuptial notable et sumptueux, comme lors esfoit la coustume du pays. Après souper furent jouées plusieurs farces, comédies, sornettes plaisantes; furent dansées plusieurs moresques aux sonnettes et timbous ; furent introduictes diverses sortes de masques et mommeries. Mes compaignons d’escole et moy pour la feste honorer à nostre pouvoir ( car au matin nous tous avions eu de belles livrées blanc et violet) sus la fin fismes un barboire joyeux avec force coquilles de sainct Michel et belles caquerolles de limaçons. En faulte de Colocasie, Bardane, Personate et de papier, des feuilletz d’un vieil Sixième, qui là estoit abandonné, nous fismes nos faulx visaiges, les dcscoupans un peu à l’endroit des œilz, du nez et de la bouche. Cas merveilleux.i Nos petites caroles et puériles esbatemens achevés, oustans nos faulx visaiges, appareusmes plus hideux et villains que les diableteaux de la passion de Doué : tant avions les faces guastées aux lieux touchés par lesditz feuilletz. L’un y avoit la picote, Paultre le tac. l’aultre la verole, l’aultre la rougeole, l’aultre gros frondes. Somme, celuy de nous tous estoit le moins blessé à qui les dents estoient tombées. — Miracle, s’escria Homenas, miracle ! — Il n’est, dist Rhizotome, encores temps de rire. Mes deux sœurs, Catherine et Renée, avaient mis dedans ce beau Sixième, comme en presse ( car il estoit couvert de grosses aisles et ferré à glez) leurs guimples, manchons et collerettes savonnées de frais, bien blanches, et empesées. Par la vertu Dieu... — Attendez,

dist Homenas, du quel Dieu entendez vous? — Il n’en est qu’un, respondit Rhizotomc. — Ouy bien, dist Homenas, es cieulx. En terre n'en avons nous un aultre? — Arry avant, dist Rliizotome, je n’y pensois par mon ame plus. Par la vertu donc du Dieu pape terre, leurs guimples, collerettes, baverettes, couvrechefz et tout aultre linge, y devint plus noir qu’un sac de charbonnier. — Miracle, s’escria Homenas ; Clerice, esclaire icy, et note ces belles histoires. — Comment, demanda frere Jean, dit on donc :

Depuis que decretz eurent aies,

Et gens d'armes portèrent males.

Moines allèrent à cheval.

En ce monde abonda tout mal.

— Je VOUS entends, dist Homenas. Ce sont petits quolibets des hérétiques nouveaulx. »