CHAPITRE LUI

COHMENT, PAR LA VERTU DES DECRETALES, EST L’OR SUBTILEMENT TIRÉ DE FRANCE EN ROME

« Je vouldrois, dist Epistemon, avoir payé chopine de trippes à embonrser, et qu’eussions à l’original collationné les terrifiques chapitres, Execrabilis, De multa, Siplures, De Anmtis per totum, Nisi essent, Cum ad Monasterium, Quod dilectio, Mandalum, et certains aulires, lesquelz tirent par chascun an de France en Rome quatre cens mille ducatz, et davantaige. — Est ce rien cela? dist Homenas; me semble toutesfois estre peu, veu que la France la très Christiane est unique nourrice de la court Romaine. Mais trouvez moy livres on monde, soyent de philosophie, de medecine, des loix, des mathematicques, des lettres humaines, voire (par le mien Dieu) de la saincte Escriture, qui en puissent autant tirer? Poinct. Nargues, nargues. Vous n’en trouverez poinct de ceste auriflue energie, je vous en asceure. Encores ces diables heretiques ne les veulent apprendre et sçavoir. Bruslez, tenaillez, cizaillez, noyez, pendez, empaliez, espaultrez, demembrez, exenterez, descouppez, fricassez, grisiez, transonnez, crucifiez, bouillez, escarbouillez, escartelez, dcbezillez,dehinguandez, carbonnadez ces meschans heretiques decretalifuges, decretalicides, pires que homicides, pires que parricides, decretalictones du diable. Vous aultres gens de bien, si voulez estre dicts et réputés vrais christians, je vous supplie à joinctes mains hé croire aultre chose, aultre chose ne penser, ne dire, n’entreprendre, ne faire, fors seulement ce que contiennent nos sacres decretales et leurs corollaires : ce beau Sixième, ces belles Clc-