LIVRE IV, CHAPITRE LUI
mentinfs, ccs belles Extra vaguantes. 0 livres déifiques ! Ainsi serez en gloire, honneur, exaltation, richesses, dignités, prelations on ce monde : de tous révérés, d’un chascun redoublés, à tous préférés, sus tous esleuz et choisis. Car il n’est sous la chappe du ciel estât duquel trouviez gens plus idoines à tout faire et manier que ceux qui, par divine prescience et eteme prédestination, adonnés se sont <t l’eslude des sainctes decrctales. Voulez vous choisir un preux empereur, un bon capitaine, un digne chef et conducteur d’une armée en temps de guerre , qui bien sçaiche tous inconveniens prévoir , tous dangiers éviter, bien mener ses gens à l’assault et aii combat en alaigresse, rien ne bazarder, tousjours vaincre sans perte de ses soubdars et bien user de la victoire? Prenez moi un decreliste. Non, non, je dis un' decretaliste.
— O le gros rat! dist Epistemon.
— ^■oulez vous en temps de ]>aix trouver homme apte et suffisant à bien gouverner l’estât d’une republicque, d’un royaume, d’un empire, d’une monarchie; ‘entretenir l’eglise, la noblesse, le sénat et le peuple en richesses, amitié, concorde, obéissance, vertus, honnesteté? Prenez moy un decretaliste. Voulez vous trouver homme qui par vie exemplaire, beau parler, sainctes admonitions, en peu de temps, sans effusion de sang humain, conqueste la terre saincte, et à la saincte foy convertisse les mescréans Turcs, Juifz, Tartares, Moscovites, Mammeluz et Sarrabovites? Prenez moy un decretaliste.
« Qui fait en plusieurs pays le peuple rebelle et detravé, les paiges friands et mauvais, les escoliers badaulx et asniers? Leurs gouverneurs, leurs escuyers, leurs précepteurs, n'estoient decretalistes.
c Mais qui est ce (en conscience) qui a estably, confirmé, authorisé ces belles religions, desquelles en tous endroits voyez la christianté ornée, décorée, illustrée, comme est le firmament de ses claires estoiles? Dives decrctales.
« Qui a fondé, pilotizé, talué, qui maintient, qui substante, qui nourrit les dévots religieux par les convens, monastères et abbayes : sans les prières diurnes, nocturnes, continuelles desqueiz seroit le monde en dangier évident de retourner en son antique chaos? Sacres decrctales.
« Qui fait et journellement augmente en abondance de tous biens tena> porelz, corporelz et spirituelz le fameux et célébré patrimoine de.sainct Pierre ? Sainctes decrctales.
« Qui fait le sainct Siégé apostolique en Rome de tout temps et aujourd’buy tant redoubtable en l’univers qu’il fault ribon ribaine que tous rois, empereurs, potentats et seigneurs pendent de luy, tiennent de luy, par luy soient couronnés, confirmés, authorisés, viennent là boucquer et
se prosterner à la mirificque pantoufle, de laquelle avez veu le protraictf Belles decretales de Dieu.
« Je vous veulx declairer un grand secret. Les universités de vostre monde, en leurs armoiries et devises ordinairement portent uii livre aucunes ouvert, aultres fermé. Quel livre pensez vous que soit?
Je ne sçay certes, respondit Pantagruel. Je ne leus oiiqucs dedans.
— Ce sont, dist llomenas, les decretales, sans lesquelles periroient les privilèges de toutes universités. Vous me debvez ceste là. Ha, lia, ha, ha. »
Icy commença llomenas roltcr, petter, rire, baver et suer; et bailla son gros gras bonnet à quatre braguettes à une des filles, laquelle le posa sus son beau çheT en grande alaigrcsse, après l’avoir amoureusement baisé, comme guaige et asceurancc qu’elle seroit première mariée. « Vivat! s’escria Epistemon, vivat, fifat, pipat, hibat ! O secret apocalyptique !
Clerice, dist llomenas, Clerice, esclaire icy à doubles lanternes. Au fruiet, pucelles. Je disois donc que ainsi vous adonnaps à l’estuda unique 'des sacres decretales, vous serez riches et honorés en ce monde. Je dis consequemment qu’eà l’aultre vous serez infailliblement saulvés on benoict royaulrae des cieulx, duquel sont les clefz baillées à nostre bon Dieu decretaliarche. O mon bon Dieu, lequel j’adore, et ne vis onques, de grâce spéciale ouvre nous en l’article de la mort pour le moins ce très sacré Ibresor de nostre mere saincte Ecclise, duquel tu es protecteur, conservateur, promeconde, administrateur, dispensateur. Et donne ordre que ces précieux œuvres de supererogation, ces beaux pardons au besoing ne nous faillent. Ace que les diables ne trouvent que mordre sus nos pauvres âmes, que la gueule horrifique d’enfer ne nous engloutisse. Si passer nous fault par purgatoire, patience! En ton pouvoir et arbitre est nous en délivrer, quand vouldras. » Icy commença llomenas jetter grosses et chauldes larmes, battre sa poiclrine, et baiser ses poulces en croix.
