LIVRE IV, CHAPITRE LIV

ne trouverez. Non toute terré porte tout. Indie seule porte le noire ebcne. En Sabée provient le bon encens. En l'islc de Leranos la terre sphragitide. En ceste isle seule naissent ces belles poires. Faites en, si bon vous semble, pepinieres en vos pays. — Comment, demanda Pantagruel, les nommez vous? Elles me semblent très bonnes, et de bonne eau. Si on les cuisoit en casserons par quartiers avec un peu de vin et de sucre. Je pense que seroit viande très salubre tant es malades comme es sains. — Non aultrement, respondit Homenas. Nous sommes simples gens, puisqu’il plaist à Dieu. Et appelons les figues figues, les prunes prunes, et les poires poires. — Vrayement, dist Pantagruel, quand je seray en mon mesnaige (ce sera, si Dieu plaist, bien tost), j’en aflieray et hanteray en mon jardin de Touraine sus la rive de Loire, et seront dictes poires de bon Christian. Car onques ne vis cbristians meilleurs que ces bons Papimanes. — Je trouverois, dist frere Jean, aussi bon qu’il nous donnast deux ou trois charfées de ses filles. — Pourquoy faire? demandoit Homenas. — Pour les saigner, respondit frere Jean, droit entre les deux gros orteilz avec certains pistolandiers de bonne touche. En ce faisant sus elles, nous hanterions des enfans de bon Christian, et la race en nos pays multiplieroit : esquelz ne sont mie trop bons. — Vraybis, respondit Homenas, non ferons, car vous leur feriez la folie aux garçons ; je vous cognoys à vostre nez, et si ne vous avois onques veu. Halas, halas, que vous estes bon filz! Vouldriez vous bien damner vostre ame? Nos décrétales le défendent. Je vouldrois que les sceussiez bien. — Patience ! dist frere Jean. Mais, si tu non vis dure, presla çuasumus. C’est matière de bréviaire. Je n’en crains homme portant barbe, fust il docteur de cryslaîîn (je dis decretalin) à triple bourlet. «

Le disner parachevé, nous prinsmes congié d’Homenas et de tout le bon populaire, humblement les remercians, et pour rétribution de tant de biens leur promettans que, venuz à Rome, ferions avec le pere sainct tant qu’en diligence il les iroit voir en personne. Puis retournasmes en nostre nauf. Pantagruel, par libéralité et recognoissance du sacré protraict papal, donna à Homenas neuf pièces de drap d’or frizé sus frize, pour estre nppousées au davant de la fenestre ferrée ; fit emplir le tronc de la réparation et fabricque tout de doubles escuz au sabot, et fit délivrer à chascune des filles, lesquelles avoient servy à table durant le disner, neuf cent quatorze salutz d’or, pour les marier en temps opportun.

PANTAGRUEL 4bt