LES COULEURS ET LIVRÉE DE GARGANTUA
Les couleurs de Gargantua furent blanc et bleu, comme cy débsus aver peu lire. Et, par icelles, voulait sou pere qu’on entcndist que ce luy estait une joye celeste ■ car le blanc luy signifioit joye, plaisir, delices et resjouissance ; et le bleu, choses celestes.
J’entends bien que, lisans ces motz, vous vous mocquez du vieil beuveur, et reputez l’exposition des couleurs par trop indague et abhorrente : et dictes que blanc signifie foy, et bleu fermeté. Mais, sans vous mouvoir, courroucer, eschauffcr, ny altérer (car le temps est dangereux), respondez moy, si bon vous semble. D’aultre contraincte n’useray envers vous, ny aultres quelz qu'ilz soient. Seulement vous diray un mot de la bouteille.
Qui vous meut? qui vous poinct? qui vous dit que blanc signifie foy, et bleu fermeté? Un (dictes vous) livre trepelu, qui se vend par les bisouars et porteballes, au tiltre le Blason des couleurs. Qui l’a faict? Quiconques il soit, en ce a esté prudent qu'il n’y a point mis son nom. Mais, au reste, je ne sçay quoy premier en luy je doibve admirer, ou son ouU trecuidancc, ou sa besterie.
Son oultrecuidance : qui, sans raison, sans cause et sans apparence, a osé prescrire, de son autorité privée, quelles choses scroient dénotées par les couleurs : ce que est l’usance des tyrans, qui veulent leur arbitretenir lieu de raison; non des sages et sçavans, qui par raisons mani-^ fesies contentent les lecteurs.
GARGANTUA
Sa bestcrie : qui a existimé que, sans auUres démonstrations et arçumens valables, le monde reigleroit ses devises par ses impositions badaudes. De faict (comme dit le proverbe ; à cul de foyrard tousjours abonde merde), il a trouvé quelque reste de niays du temps des haults bonnetz; lesquelz ont eu foy à ses escrits, et, selon iceux, ont taillé leurs apophthegmes et dictés, en ont enchevestré leuh mulets, vestu leurs pages, escartelé leurs chausses, brodé leurs gands, frangé leurs licts, peinct leurs enseignes, composé chansons ; et (que pis est) faict impostures et lasches tours clandestinement entre les pudiques matrones.
En pareilles tenebres sont comprins ces glorieux de court, et transporteurs de noms, lesquelz, , voulans en leurs devises signifier espoir, font pourtraire une sphere ; des pennes d’oiseaux, pour peines ; de l’ancholie, pour melancholie ; la lune bicorne, pour vivre en croissant; un banc rompu, pour banque roupte; non, et un halcret, pour non durbabit; un lict sans ciel, pour un licencié. Que sont homonymie^ tant ineples, tant fades, tant rustiques et barbares, que l’on debvroit attacher une queue de renard au collet, et faire un masque d’une bouze de vacbe à cbascun d’iceux qui en vouldroit dorénavant user en France, après la restitution des bonnes lettres.
Par mesmes raisons (si raisons les doibs nommer, et non resveries) îerois je peindre un penier, dénotant qu’on me faict peiner ; et un pot à moustarde, que c’est mon cœur à qui moult tarde ; et un pot à pisser, c’est un official; et le fond de mes chausses, c’est un vaisseau de petz; et ma braguette, c’est le greffe des arrestz, et im estront de chien, c’est un tronc de céans, où gist l’amour de m’amye.
Bien aullrement faisoient en temps jadis les saiges d’Egypte, quand ilz escrivoient par lettres qu’ilz appelloient hiéroglyphiques : lesquels nul n’entendoit qui n’entendist, et un chascun entendoit qui entendist la vertu, propriété et nature des choses par icelles figurées. Desquelles Oms Apollon a en grec composé deux livres, et Polyphile, au Songe d’amouri, en a davantaige exposé. En France, vous en avez quelque transon en la devise de monsieur l’ Admirai, laquelle premier porta Octavian Auguste.
Mais plus oultre ne fera voile mon esquif entre ces gouffres, et gués mal plaisans. Je retourne faire scalle au port dont suis issu. Bien ay je espoir d’en escrire quelque jour plus amplement, et monstrer, tant par raisons philosophiques que par auctorités receues et approuvées de toute ancienneté, quelles et quantes couleurs sont en nature, et quoy par une éSascune peut estre désigné, si Dieu me sauve le moulle du bonnet, c’est le pot au vin, comme disoit ma mere. grand.
SB
