CHAPITRE X

CE CB qu’est signifié PAB LES COCLEUBS BLANC BT BLED

Le blanc donc signifie joye, soulaz et liesse ; et non à tort le signifie, mais à bon droict et juste tiltrs. Ce que pourrez vérifier, si, arriéré mises vos affections, voulez entendre ce que présentement je vous exposeray.

Aristoteles dit que, supposant deux choses contraires en leur espece, comme bien et mal, vertu et vice, froid et chauld, blanc et noir, volupté et douleur, joye et dueii, et ainsi des aultres, si vous les coublez, en telle façon qu'un contraire d'une espece convienne raisonnablement à l'un contraire d'une aultre, il est conséquent que l'aultre contraire compete avec l'aultre résidu. Exemple : vertu et vice sont contraires en une espece ; aussi sont bien et mal. Si l'un des contraires de la première espece convient à l'un de la seconde, comme vertu et bien (car U est seur que vertu est bonne), ainsi feront les deux résidus, qui sont mal et vice, car vice est maulvais.

Geste reigle logicale entendue, prenez ces deux contraires, joye et tristesse, puis ces deux, blanc et noir : car ilz sont contraires physicalement. Si ainsi donc est que noir signifie dueii, à bon droict blanc signifiera joye.

Et n'est caste signifiance par imposition humaine instituée, mais receue par consentement de tout le monde, que les philosophes nomment jus gentium, droict universel, valable par toutes contrées.

Comme assez sçavez que tous peuples, toutes nations (je excepte les antiques Syracusans et quelques Aigives, qui avoient l'ame de travers), toutes langues, voulons exteriorement demonstrer leur tristesse, portent habit de noir, et tout dueii est faict par noir. Lequel consentement universel n'est faict que nature n’en donne quelque allument et raison ; laquelle un chascun peut soudain par soy comprendre sans aultrement estre instruict de personne ; laquelle nous appelons droict naturel.

Par le blanc, à mesmes induction de nature, tout le monde a entendu joye, liesse, soulaz, plaisir et délectation.

Au temps passé, les Thraces et Cretes signoient les jours bien fortunés et joyeux de pierres blanches; les tristes et defortunés, de noires.

La nuyet n’est elle funeste, triste et melancholieuse? Elle est noire et obscure par privation. La clarté n’esjouist elle toute nature? Elle est blanche plus que chose que soit. A quoy prouver fo vous pourrois renvoyer au livre de Laurens Valle contre Bartole ; mais le tesmoignage evangelique vous contentera. Matth.^ xvu, est dict qu’à la transfiguration de nostre

GARGANTUA

Seigneur, vestimenia ejus facta sunt alla sicut lux : ses vestemens furent faicts blancs comme la lumière. Par laquelle blancheur lumineuse, donnoit entendre à ses trois apostres l’idée et figure des joyes éternelles, car, par la clarté, sont tous humains esjouis. Comme vous avez le dict d’une vieille qui n’avoit dents en gueule ; encore disoit elle : Bona lux. Et Thobie, cap. v, quand il eut perdu la veue, lorsque Raphaël le salua, respondit ; a Quelle joye pourray je avoir, qui poinct ne voy la lumière du ciel? » En telle couleur tesmoignerent les anges la joye de tout l’univers à la résurrection du Sauveur, Joan., xx; et à son ascension, Act., I. De semblable parure vit sainct Jean Evangéliste, Apoc., iv et vu, les fideles vestus en la celeste et béatifiée Hierusalem.

Lisez les histoires antiques, tant grecques que romaines, vous trouverez que la ville de Albe (premier patron de Rome) fut 'et construicte et appellée à l’invention d’une truie blanche.

Vous trouverez que, si à aulcun, après avoir eu des ennemis victoire, estoit décrété qu’il entras! à Rome en estât triumphant, il y entroit sur un char tiré par chevaux blancs. Autant celuy qui y entroit en ovation, car, par signe ny couleur, ne pouvoient plus certainement exprimer la joye de leur venue que par la blancheur.

Vous trouverez que Pericles, duc des Atlieniens, voulut celle part de ses gensd’armes esquelz par sort estoient advenues les febves blanches, passer toute la journée en joye, solaz et repos ; cependant que cculx de l’aultre part batailleroient. Mille aultres exemples et lieux à ce propos vous pourrois je exposer ; mais ce n’est icy le lieu.

Moyennant laquelle intelligence, pouvez resouldrc un problème, lequel Alexandre Aphrodisé a réputé insoluble : Pourquoy le léon, qui de son seul cry et rugissement espouvante tous animaux, seulement crainct et revere le coq blanc? Car (ainsi que dit Proclus, îib. de Sacrificio et Magia) c’est parce que la presence de la vertu du soleil, qui est l’oigane et promptuaire de toute lumière terrestre et syderale, plus est symbolisante et competente au coq bldnc, tant pour icelle couleur que pour sa propriété et ordre spécifique, que au léon. Plus dit, qu’en forme léonine ont esté diables souvent veus, lesquelz, à la presence d’un coq blanc, soudainement sont disparus.

C’est la cause pourquoy Galli (ce sont les François, ainsi appellés parce que blancs sont naturellement comme' laict, que les Grecs nomment yoiXa) voluntiers postent plumes blanches sur leurs bonnetz. Car, par nature, ilz sont joyeux, candides, gracieux et bien amés; et, pour leur symbole et enseigne, ont la fleur plus que nulle aultre blanche, c’est le lys.

LIVKE I, CHAPITRE XI

Si demandez comment, par couleur blanche, nature nous induict entendre joye et liesse, je vous responds que l’analogie et conformité est telle. Car, comme le l)lanc cxterioremeiit disgrege et espart la veue, dissuivant manifestement les esprits visifz, selon rupiiiion d’Aristoleles, en ses problèmes, et les perspectifz : et le voyez par expérience, quand vous passez les monts couvers de neige, en sorte que vous plaignez de ne pouvoir bien regarder, ainsi que Xeuophon escrit estre advenu à ses gens, et comme Galen expose amplement, libro X de Usu partium. Tout ainsi Je creur, par joye excellente, est interiorement espart, et patit manifeste résolution des espritz vitaulx : laquelle tant peut estre acreue que le ca‘ur demoureroit spolié de son entretien, et par conséquent seroU la vie estaincte par ceste perichairie, comme dit Galen, lib. XII Method., lib, V ■de Locis affectis, et lib. Il de symptomaton Catisis. Et comme estie au temps passé advenu tesmoigneut Marc Tulle, lib. I question TuscuL, Verrius, Aristoteles, Tite Live, après la bataillcde Cannes, Pline, lib. VH, cap. xxxM et lui, A. Gellius, lib. III, XV, etaultres, à DiagorasRhodien, Cfiilo, Sophocles, Dionys, tyran de Sicile, Philippides, Pliilemon, Polycrata, Philistion, M. Juventi, et aultres qui moururent de joye. Et comme dit Avicenne, in ii canone, et lib, de Viribus cor dis, du zaptiran, lequel tant esjouit le cœur qu’il le despouille de vie, si on en prend en dose excessive, par resolution et dilatation superflue. Ici voyez Alex. Aplirodisien, lib. primo Problematum, cap. xix. Et pour cause. Jlais quoy ! j’entre plus avant en ceste matière que n’establissois au commencement. Icy donc calleray mes voiles, remettant le reste au livre en ce consommé du tout. Et diray, en un mot, que le bleu signifie certainement le ciel et choses celestes, par mesmes symboles que le blanc signifie joye «t plaisir.