CHAPITRE LVII

COMMENT PANTAGhOEL DESCENDIT ON MANOIR DE MESSERE GASTER, PREMIER MAISTRE ES ARS DU MONDE

En iceluy jour, Pantagruel descendit en une isle admirable entre toutes aultres, tant à cause de l’assiette que du gouverneur d’icelle. Elle de tous coustds pour le commencement estoit scabreuse, pierreuse, montueuse, infertile, mal plaisante à l’œil, très difbcile aux pieds, et peu moins inaccessible que le mons du Daulphiné, ainsi dict poürce qu’il est en forme d’un potiron, et de toute mémoire personne surmonter ne l’a peu, fors Uoyac, conducteur de l’artillerie du roy Charles huistiesme, lequel avec engins mirifiques y monta, et au dessus trouva uu vieil belier. C’estoit à diviner qui là transporté l’avoit. Aucuns le dirent, estant jeune aignelet, par quelque aigle ou duc chauant là ravy, s’estre entre les buissons saulvé. Surmontans la difficulté de l’entrée à peine bien grande et non sans suer, trouvasmes le <iessus du mons tant plaisant, tant fertile, tant salubre et délicieux, que je pensois estre le vray jardin et paradis terrestre : de la situation duquel tant disputent et labourent les bons théologiens. Mais Pantagruel nous affermait là estre le manoir de Areté (c’est vertu) par Hesiode descript, sans toutesfois préjudice de plus saine opinion.

Le gouverneur d’icelle estoit messere Gaster, premier maistre es ars de ce monde. Si croyez que le feu soit le grand maistre des ars, comme escrit Cicero, vous errez et vous faites tort. Car Cicero ne le creut onques. Si croyez que Mercure soit premier inventeur des ars, comme jadis croyaient nos antiques druides, vous fourvoyez grandement. La sentence du satyrique est vraye, qui dit messere Gaster estre de tous ars le maistre. Avec iceluy pacificquement residoit la bonne dame Penie, aultrement dite Souffreté, mere des neuf Muses : de laquelle jadis en compaignie de Porus, seigneur de Abondance, nous nasquit Amour le noble enfant médiateur du Ciel et de la Terre, comme atteste Platon in Symposio. A ce chaleureux roy force nous fut faire reverence, jurer obéissance et honneur porter. Car il est impérieux, rigoureux, rond, dur, difficile, /nflectible. A luy on ne peut rien faire croire, rien remonstrer, rien persuader. Une oyt poinct. El comme les Ægyptiens disoient Harpocras dieu de silence, en grec nommé Sigalion, estre astomé, c’est à dire sans bouche, ainsi Gaster sans oreilles fut créé : comme en Candie le simulacre de Jupiter estoit sans oreilles. 11 ne parle que par signes. Mais à ses signes tout le monde obeist plus soudain qu’aux edietz des prêteurs, et mandemens des roys. En ses sommations, delay aucun et demeure aucune il n’admet.

Vous dictes que au rugissement du lyon toutes Lestes loing à l’entour frémissent, tant (sçavoir est) qu’estre peut sa voix ouie. Il est escrit. Il est vray. Je l’ay veu. Je vous certifie qu’au mandement de messere Gaster tout le ciel tremble, toute la terre bransle. Son mandement est nommé : faire le fault sans delay, ou mourir.

Le pilot nous racoiitoit comment un jour, à l’exemple des membres conspirans contre le ventre, ainsi que descript Esope, tout le royaume des Somates contre luy conspira et conjura soy soubstraire de son obéissance. Mais bien tost s’en sentit, s’en repentit, et retourna en son service en toute humilité. Aultrement tous de male famine périssaient. En quel- > ques compaignies qu’il soit, discepter ne fault de supériorité et preference: tousjours va davant, y fussent roys, empereurs, voire certes le pape. Et au concile de Basle, le premier alla, quoy qu’on vous die que ledict concile fut séditieux, à cause des contentions et ambitions des lieux premiers. Pour le servir tout le monde est empesché, tout le monde labeure. Aussi ])Our recompense il fait ce bien au monde qu’il luy invente toutes ars, toutes machines, tous mestiers, tous engins et subtilités. Mesmes es animans brutnulx il apprend ars déniées de nature. Les corbeaulx, les gays, les papegays, les estourneaulx, il rend poetes; les pies il fait poetrides, et leur apprend langage humain proférer, parler, chanter. Et tout pour la trippe.

Les aigles, gerfaulx, faulcons, sacres, laniers, autours, esparviers, esmerillons, oiseaulx aguars, peregrins, essors, rapineux, sauvages, il domestique et apprivoise, de telle façon que, les abandonnant en pleine liberté du ciel, quand bon luy semble, tant hault qu’il vouldra, tant que luy plaist, les tient suspens, errans, volans, planans, le muguetans, luy faisans la cour au dessus des nues ; puis soubdainles fait du ciel en terre fondre.

Et tout pour la trippe.

Les elephans, les lyons, les rhinocerotes, les ours, les chevaulx, les chiens il fait danser, baller, voltiger, combattre, nager, soy cacher, apporter ce qu’il veult, prendre ce qu’il veult. Et tout pour la trippe.

Les poissons tant de mer comme d’eau douce, balaines et monstres marins, sortir il fait du bas abisme, les loups jette hors des bois, les ours hors les rochers, les renards hors des tasnieres, les serpens lance hors la terre en grand nombre. Et tout pour la trippe.

Brief est tant enorme qu’en sa rage il mange tous. Lestes et gens, comme fut veu entre les Vascons, lors que Q. Metellus les assiegeoit pai’ les guerres Sertorianes, entre les Saguntins assiégés par Hannibal, entre les Juifz assiégés par les Romains ; six cens aultres. Et tout pour /a trippe.