CHAPITRE LVI
COMMENT, ENTRE LES PAROLES GELÉES, PANTAGRUEL TROUVA DES MOTZ DE GUEULE
Le pilot fit responso : « Seigneur, de rien ne vous effrayez. Icy est le rnnfin de la mer glaciale, sus laquelle fut, au commencement de l’hyver dernier passé, grosse et felonne bataille, entre les Arimaspiens et les Nephelibates. I.z>rs gelerent en l’air les paroles et cris des hommes et femmes, les chaplis des masses, les hurtis des harnois, des bardes, les hannissemens des chevaulx, et tout aultre effroy de combat. A cestc heure la rigjfiei*' de l’hyver passée, advenante la sérénité et temperie du bon temps, elles fondent et sont ouyes. — Par Dieu, dist Panui^e, je l’en croy. Mais en pourrions nous voir quelqu’une. Me souvient avoir leu que l’orée de la montaigne en laquelle Moses receut la loy des Juifz, le peuple voyoit la voix sensiblement. — Tenez, tenez, dist Pantagruel, voyez en cy
PANTAGRUEL 'iSS
f|ui encores ne sont degelées. » Lors nous jeta sus le tillac pleines mains de paroles gelées, et sembloient, dragées perlées de diverses couleurs. Nous y vismes des motz de gueule, des niotz de sinople, des motz d’azur, des mot/, de sable, des motz dorés. L’esquelz, estre quelque peu eschaulTés entre nos mains, fondaient comme neiges, et les oyons realcment, mais ne les entendions, car c'esloit langaige barbare. Exceptez un assez grosset, lequel ayant frere Jean eschaufl'é entre ses mains, fit un son tel que font les châtaignes jetlées en la braze sans estre entommées lors que s’esclatent, et nous fit tous de peur tressaillir. « C’estoit, dist frere Jean, un coup de faulcon en son temps. » Panurge requist Pantagruel luy en donner encores, Pantagruel luy respondit que donner paroles estoit acte d’amoureux. « Vendez m'en donc, disoit Panurge. — C’est acte de advocatz. respondit Pantagruel, vendre paroles. Je vous vendrois plus tost silence et plus chèrement, ainsi que quelques fois la vendit Demosthenes moyennant son argentangine. »
Ce nonobstant il en jetta sus le tillac trois ou quatre poignées. Et y vis des paroles bien picquantes, des paroles sanglantes, lesquelles lé pilot nous disoit quelquefois retourner on lieu duquel estoient proférées, mais c’estoit la guorge couppée; des paroles horrifiques, et aultres assez mal plaisantes à voir. Lesquelles ensemblement fondues ouysmes, hin, hin, hin, hin, his, ticque, torche, lorgne, brededin, brededac, frr, fnr, firrr, bou, hou, bou, bou, bou, bou, bou, bou, trace, trace, trr, trrr, trrrr, trrrrr, Irrrrrr, on, on, on, on, on, ououououon : goth, magolh, et ne sçay quelz aultres motz barbares, et disoit que c’estoient. vocables du hourt et bannissement des chevaulx à l’heure qu’on chocque ; puis en ouysmes d'aultres grosses, et rendoient son en dégelant, les unes comme des tabours et fifres, les aultres comme de clerons et trompettes. Croyez que nous y eusmes du passetemps beaucoup. Je voulois quelques motz de gueule mettre en reserve dedans de l’huile comme l’on garde la neige et la glace, et entre du feurre bien net. Mais Pantagruel ne le voulut : disant estre folie faire reserve de ce dont jamais l’on n’a faulte et que toujours on a en main, comme sont motz de gueule entre tous bons et joyeux Pantagruelistes. Là Panurge fascha quelque peu frere Jean, et le fit entrer en resverie, car il le vous print au mot sus l’instant qu'il ne s’en doubtoit mie. et frere Jean menaça de l’en faire repentir en pareille mode que se repentit C. lousseaulme vendant à son mot le drap au noble Patelin, et advenaiit qu’il fust marié le prendre aux cornes, comme un veau, puisqu’il l’avoil prins au mot comme un homme. Panurge luy fit la babou, en signe de dérision. Puis s'escria, disant : « Pleust à Dieu qu’icy, sans plus avant procoder, j’eussd le mot de la dive bouteille ! »
