CHAPITRE LXII
COMMENT GASTER KVENTOIT ART ET MOYEN DE NON ESTRE BLESSÉ NE TOUCHÉ PAR COUPS DE CANON
Est advenu que Gaster retirant grains es forteresses s’est veu assailly des ennemis, ses forteresses démolies, par ceste triscaciste et infernale machine, son grain et pain tollu et saccaigé par force titanique : il inventoit lors art et moyen non de conserver ses rempars, bastions, murailles et defenses de telles canonneries, et que les boullets ou ne les touchassent et restassent coy et court en l’air, ou touchons ne portassent nuisance ne es defenses ne aux citoyens defendans. A cestuy inconvénient ja avoit ordre très bon donné, et nous en monstra l'essay : duquel a depuis usé Fronton, et est de présent en usaige commun, entre les passe temps et exercitations honnestes des Thelemites. L’essay estoit tel. Et dorénavant soyez plus facile à croire ce qu’asceure Plutarche avoir expérimenté. Si un trouppeau de chevres s’en fuyoit courant en toute force, mettez un brin de eringe en la gi^ule d'une derniere cheminante, soubdain toutes s’arresteront.
Dedans un faulconneau de bronze il mettoit sus la pouldre de canon curieusement composée, degressée de son soùlfre, et proportionnée avec camphre fin, en quantité competente, une ballotte de fer bien qualibrée, et vingt et quatre grains ^e dragée de fer, uns ronds et sphericques, aultres en forme lachrymam. Puis ayant prins sa mire contre un sien jeune paige, comme s’il le voulust ferir parmy l’estomac, en distance de soixante pas, au milieu, du chemin entre le paige et le faulconneau en ligne droite suspendoit sus une potence de bois à une corde en l’air une bien grosse pierre siderite, c’est à dire ferriere, aultrement appellée Herculiane, jadis trouvée en Ide on pays de Phrygie par un nommé Magnes, comme atteste Nicander. Nous vulgairement l’appelons Aymant. Puis mettoit le feu au faulconneau par la bouche du pulverin. La pouldre consommée, advenoit que pour éviter vacuité (laquelle n’est tolerée en nature; plus tost seroit la machine de l’um'vers, ciel, air, terre, mer reduicte à l'antique
Wi I.IVRE IV, CHAPITRE LXH
chaos, qu'il advinst vacuité en lieu du monde) la ballotte et dragée estoieiit impétueusement hors jettées par la gueule du faulconneau, afin que l'air pehetrast eu la chambre d'iceluy, laquelle aultremeiit rcsloit en vacuité, estant la pouldre par le feu tant soudain consommée. Les ballotte et dragée ainsi violcntement lancées sembloient bien debvoir ferir le paige ; mais sus le poinct qu'elles approchoieut de la susdicte pierre, se perdoit leur impétuosité et toutes restoient en l’air flottantes et tournoyantes autour de la pierre, et n’en passoit oultre une, tant violente fust elle, just|u’au paige.
Mais il inventoit l'art et maniéré de faire les boullets arrière retourner contre les ennemis, en pareille furie et dangier qu’ilz seroient tirés, et en propre parallèle. Le cas ne trouvoit difficile, attendu que l’herbe nommée Ethiopis ouvre toutes, les serrures qu’on luy présenté, et que Echineis. poisson tant imbecille, arreste contre tous les vents, et retient en plein fortunal les plus fortes navires qui soient sus mer, et que la chair d’iceluy |K)isson, conservée en sel, attire l’or hors les puits, tant profonds soient ilz qu'on pourroit sonder.
Attendu que Democritus escrit, Théophraste l’a creu et esprouvé, estre une herbe, par le «eul attouchement de laquelle un coing de fer profondément et par grande violence enfoncé dedans quelque gros et dur bois, subitement sort dehors. De laquelle usent les Pics Mars (vous les nommez Pivors),- quand de quelque puissant coing de fer l’on estouppe le trou de Jeurs nids : lesquelz ilz ont accoustumé industrieusemeut faire et caver dedans le tronc des fortes arbres.
Attendu que les cerfz et bisches navrés profondément par traicts dedars, lledies ou guarrots, s’ilz rencontrent l’herbe nommée dictamc frequente eu Candie, et en mangent quelque peu, soudain les fléchés sortent hors, et ne leur en reste mal aucun'. De laquelle Venus guarit son bien aimé filz Ænéas, blessé en la cuisse dextre d’une fléché tirée par la sœur de Turnus Juturna.
Attendu qu’au seul flair issant des lauriers, figuiers, et veaulx marins, est la fouldre détournée, et jamais ne les ferit. Attendu que au seul aspect d’un belier les elephans enraigés retournent à leur bon sens ; les taureaux furieux et forcenés approchans des figuiers sauvages dicts caprifices se apprivoisent, et restent comme grampes et immobiles ; la furie des viperes expire par l’attouchement d’un • rameau de fouteau. Attendu aussi qu’en l’isle de Samos, avant que le temple de Junoy fust basty, Euphorion escrit avoir veu bestes nommées Néades, à la seule voix desquelles la terre fondoit en chasmates et en abysme. Attendu pareillement que le suzeau croist plus dbnore et plus apte au jeu des tlustes en pays onqucl le chant des
coqs ne sera ouy, ainsi qu'ont escrit les anciens sages, selon le rapport de Théophraste, comme si le chant des coqs hebetast, amollist et estonnast la matière et le bois de suzeau ; au quel chant pareillement ouy le lyon, animant de si grande force et constance, devient tout estonné et consterné. Je sçay qu'aultres ont ceste sentence entendu du suzeau sauvaige, provenant en lieux tant esloignés de villes et villages que le chant des coqs n'y pourroit estre ouy. Iceluy sans doubte doit pour flûtes et aultres instrumens de musique estre esleu, et préféré au domestique, lequel provient autour des chesaulx et masures.
Aultres l'ont entendu plus haultement, non selon la lettre, mais allegoi ricquemeut selon Tbsaige des Pythagoriciens. Comme quand il a esté dict que la statue de Mercure ne doit estre faicte de tous bois indifferentement, ilz l'exposent que Dieu ne doit estre adoré en façon vulgaire, mais en façon eslcuc et religieuse. Pareillement en ceste sentence nous enseignent que les gens sages et studieux ne se doivent adonner à la musique triviale et vulgaire, mais à la celeste, divine, angelicq.ue, plus absconse et de plus loing apportée : sçavoir est d’une région en laquelle n’est ouy des coqs le chant. Car, voulons dénoter quelque lieu à l’escart et peu fréquenté; ainsi disons nous en iceluy n’avoir onques esté ouy coq chantant.
CHAPm\E LXIII
