LIVRE IV, CHAPITRE LXI

Eist advenu que grain en un pays defailloit, il inventa art et moyen de le tirer d’une contrée en aultre. Il, par invention grande, mesla deux especes d'animans, asncs et jumens, pour production d’une tierce, laquelle nous appelions mulelz, bestes plus puissantes, moins délicates, plus durables au labeur que les aultres. Il inventa chariotz et charrettes pour plus commodément le tirer. Si la mer ou rivières ont erapesché la traicte, il inventa basteaulx, gualeres et navires (chose de laquelle se sont les elemens esbabiz) pour, oultre mer, oultre fleuves et rivières, naviguer, et de nations barbares, incogneues, et loing séparées, grain porter et transporter. Est advenu depuis certaines années que, la terre cultivant, il n’a eu pluie à propos et en saison, par default de laquelle [grain restait en terre mort et perdu. Certaines années la pluie a esté excessive, et nayoit le grain. Certaines aultres années la gresie le guastoit, les vents l’esgrenoient, la tempeste le renversoit. 11 ja, davant nostre venue, avoit inventé art et moyen de évoquer la pluye des cieulx, seulement une herbe decouppant, commune par les prairies, mais à peu de gens cogneue, laquelle il nous monstra. Et estimois que fust celle de laquelle une seule branche, jadis, mettant le pontife Jovial dedans la fontaine Âgrie sus le mont Lycien en Arcadie, au temps de seicheresse, excitoit les vapeurs : des vapeurs estoient formées grosses nuées, lesquelles dissolues en pluies, toute la région estoit à plaisir arrousée. Inventait art et moyen de suspendre et arrester la pluie en l’air, et sus mer la faire tomber. Inventoit art et moyen d’anéantir la gresie, supprimer les veiiLs, destourner la tempeste, en la maniéré usitée entre les Methanensiens de Trezenie.

Aultre infortune est advenu. Les pillars et briguands desroboient grain et pain par les champs. Il inventa art de baslir villes, forteresses et chasteaux pour le reserrer et en sceureté conserver. Est advenu que par les champs ne trouvant pain, entendit qu’il estoit dedans les villes, forteresses et chasteaux reserré, et plus curieusement par les habitans défendu et gardé que ne furent les pommes d’or des Hesperides par les dracons. 11 inventa art et moyen de battre et desmolir forteresses et chasteaux par machines et tormens bellicques, beliers, balistes, catapultes, desquelles il nous monstra la figure, assez mal entendue des ingénieux architectes, disciples de Vitruve, comme nous a confessé messere Philebert de l’Orme, grand architecte du roy Megiste. Lesquelles, quand plus n’ont profité, obstant lu maligne subtilité et subtile malignité des fortificateurs, il avoit inventé recentement canons, serpentines, coulevrines, bombardes, basilics, jettans boullets de fer, de plomb, de bronze, pesans plus que grosses enclumes, moyennant une composition de pouldre horrifique, de laquelle Nature mesmes s’est esbahie, et s’est confessée vaincue par art, ayant en

mespris i’usaige des Oxydraces, qui, à force de fouldres, tonnoires, gresles, esclairs, tempestes, vainquoient et à mort soudaine mcttoient leurs ennemis en plein champ de bataille. Car plus est horrible, plus espouvantable, plus diabolique, et plus de gens meurtrist, casse, rompt et tue; plus estonne les sens des humains ; plus de murailles demolist un coup de basilic, que ne feroient cent coups de fouldre.