LIVRE IV, CHAPITRE LXIII
Ponocrates resvant resvoit, se chatouilloit pour se faire rire, et avec un doigt la teste se grattoit. Carpalim d’une coquille de noix grosliere faisoit un beau, petit, joyeux, et harmonieux moulinet à aisie de quatre belles petites aisses d’un tranchouoir de vergne. Eusthenes sus une longue coulevrine jouoit des doigts, comme si fust un monochordion. Rhizotome de la coque d’une tortue de Guarrigues compousoit nne escarcelle velouèi5e. Xenomanes avec des jectz d’esmerillon rapetassoit une vieille lanterne. .Nostre pilot tiroit les vers du nez à ses matelotz; quand frere Jean, retournant de la cabane, apperceut que Pantagruel estoit resveillé.
Adonc rompant cestuy tant obstiné silence, à haulte voix, en grande alaigresse d’esprit, demanda Maniéré de haulser le temps en calme. Panurge seconda soubdain,el demanda pareillement Remede contre fascherie. Epistemon tierça en gayeté de cœur, demandant Maniéré d’uriner, la personne n’en estant entalentée. Gymnaste, soy levant en pieds, demanda Remede contre l’esblouissement des yeulx. Ponocrates, s’estant un peu frotté le front et secoué les oreilles, demanda Maniéré de ne dormir poinct en chien.
« Attendez, dist Pantagruel. Par le decret des subtilz philosophes peripateticques nous est enseigné que tous problèmes, toutes questions, tous doubtes proposés doivent estre certains, clairs et intelligibles. Comment entendez vous dormir en chien ?
— C’est, respondit Ponocrates, dormir à jeun en hault soleil, comme font les chiens. »
Rhizotome estoit acropy sus le coursouoir. Adonc levant la teste et profondément baislant, si bien qu’il par naturelle sympathie excita tous ses eompaignons à pareillement baisler, demanda Remede contre les oscitalions et baislements. Xenomanes, comme tout lanterné à l’accoustrement de sa lanterne, demanda Maniéré d’equilibrer et balancer la cornemuse de l’estomac, de mode qu’elle ne panche poinct plus d’un costé que d’aulire. Carpalim, jouant de son moulinet, demanda Quants mouvemens sont précédons en nature, avant que la personne soit dicte avoir faim. Eusthenes, oyanf le bruit, accourut sus le tillac, et des le capestan s’escria, demandant Pourquoy en plus grand dangfer de mort est l’bomme mords à jeun d’un serpent jeun qu’aprés avoir repeu, tant l’homme que le serpent; pourquoy est la salive de l’homme jeun veneneuse à tous serpens et animaux veneneux.
« Amis, respondit Pantagruel, à tous les doubtes et questions par vous proposées compote une seule solution, et à tous telz symptomates et accidens une seule medecine. La response vous sera promptement expousée, non par longs ambages et discours de paroles ; l'estomac aflàmé
n’a point d'oreille, il n’oyt goutte. Par signes, gestes et effectz serez satisfaicts, et aurez resolution à vostre contentement. Comme jadis à Rome Tarquin l’orgueilleux, roy dernier des Romains (ce disant, Pantagruel toucha la corde de la companelle, frere Jean soubdain courut à la cuisine), par sighe respondit à son filz Sex. Tarquin estant en la ville des Gabins, lequel luy avoit envoyé homme exprès pour entendre comment il pourroit les Gabins du tout subjuguer et à perfaicte obéissance réduire, le roy susdict, soy défiant de la fidelité du messaigier, ne luy respondit rien. Seulement le mena en son jardin secret : et en sa veue et presence avec son bracquemart coupa les haultes testes des pavotz là estans. Le messaigier retournant sans response, et au filz racontant ce qu’il avoit vu faire à son pere, fut facile par telz signes entendre qu’il luy conseilloit trancher les lestes aux principaux de la ville, pour mieulx en office et obéissance totale contenir le demeurant du menu populaire. »
