COMMENT PANTAGRUEL HAULSE LE TEMPS AVEC SES DOMESTICQUES

« En quelle hiérarchie, demanda frere Jean, de telz animaux veneneux mettez vous la femme future de Panurge? — Dis tu mal. des femmes, rcspondit Panurge, ho guodelureau, taoine culpelé ? — Par la guogue ^'cnomanique, dist Epistemon, Euripides escrit, et le prononce Andromache, que contre toutes bestes veneneuses a esté, par l’invention des humains et instruction des dieux, remede profitable trouvé. Remede jusques à présent n’a esté trouvé contre la male femme. — Ce gorgias Euripides, dist Panurge, tousjours a mesdict des femmes. Aussi fut il par vengeance divine mangé des chiens, comme luy [reproche Aristophanes.

Suivons. Qui a, si parie.

— Je urineray présentement, dist Epistemon, tant qu’on vouldra.

— J’ay maintenant, dist Xenomanes, mon estomac sabourré à profit de mesnaige. Ja ne panchera d’un cousté plus que d’aultre.

— Il ne me faut (dist Carpalim) ne vin ne pain.

. Trefvesde soif, trefves de faim.

— Je ne suis plus fasché, dist Panurge. Dieu mercy et vous. Je suis

i'ay comme un papegay, t •

Joyeux comme un esmerillon,

Alaigre comme un papillon,

f Véritablement il est escrit par vostre beau Euripides, et le dit Siienus, beuveur mémorable.

Furieux est, de bon sens ne jouist,

Quioonques boit et ne s’en reijouist.