LIVRE IV, CHAPITRE LXV
« Sans poinct de faulte nous debvons bien louer le bon Dieu nostre créateur, servateur, consen-ateur, qui par ce bon pain, par ce bon vin et frais, par ces bonnes viandes nous guerist de telles perturbations, tant du corps comme de l’ame ; oultre le plaisir et volupté que nous avons beuvans et mangeans.
« Mais vous ne respondez point à la question de ce benoist vénérable frere Jean, quand il a demandé : Maniéré dp haulser le temps ?
— Puis, dist Pantagruel, que de ceste legiere solution des doobtes proposés vous contentez, aussi fais je. Ailleurs, et en aultre temps, nous en dirons davantaige, si bon vous semble. Reste donc à vuider ce que a frere Jean proposé : Manière de haulser le temps ? Ne l’avons nous à souhait haulsé? Voyez le guabet de la hune. Voyez les siflemens des voiles. Voj’ez la roideur des estails, des utacques et des escoutes. Nous haulsans et vuidans les tasses s'est pareillement le temps haulsé par occulte sympathie de nature. Ainsi le haulserent Atlas et Hercules, si croyez les sages mythologiens. Mais ilz le haulserent trop d'un demy degré : Atlas, pour plus alaigrement festoyer Hercules, son hoste ; Hercules, pour les alterations precedentes par les desers de Libye.
— Vray bis, dist frere Jean interrompant le propos, j’ay ouy de plusieurs venerables docteurs que Tirelupin, sommelier de vostre bon pere, espargne par chascun an plus de huit cens pippes de vin, par faire les survenans et domestiques boire avant qu’ilz aient soif.
— Car, dist Pantagruel continuant, comme les chameaulx et dromadaires en la caravane boivent pour la soif passée, pour la soif présente, et pour la soif future, ainsi fit Hercules. De mode que par cestuy excessif haulsement de temps advint au ciel nouveau mouvement de titubation et trépidation, tant controvers et débattu entre les folz astrologues.
— C’est, dist Panurge, ce que l’on dit en proverbe commun : •
Le mal temps passe, et retourne le bon.
Pendant qu'on trinque autour de gras jambon.
— Et non seulement, dist Pantagruel, repaissans et beuvans avons le. temps haulsé, mais grandement deschargé la navire : non en la façon seulement que fust deschargée la corbeille de Aesope, sçavoir est, vuidans W victuailles, mais aussi nous émancipons de jeusne. Car comme le corps plus est poisant mort que vif, aussi est l’homme jeun plus terrestre et poisant que quand il a beu et repeu. Et ne parlent improprement ceux qui par long voyage au matin boi.vent et desjeunent, puis disent : Nos cheval Ix n’en iront que mieulx.
« Ne sçavez vous que jadis les Amycléens sus tous dieux reveroient ét
adoroientle noble pere Bacchus, et le nommoient Psila en prop’e et contenante dénomination ? Psila, en langue Doricque, signifie aisles. Car comme les oiseaux par aide de leurs aisles volent hault en l'air legierement : ainsi par l’aide de Bacchus (c’est le bon vin friand et délicieux}, sont hault eslevés les esprits des humains, leurs corps evidentement alaigris, et assouply ce que en eux estoit terrestre. »
