LIVRE IV, CHAPITRE LXVII
France en peincture, et luy dist : « Vois tu quelle reverence je porte à tes roys François. Ailleurs n’ai je leurs armoiries qu’en ce retraict icy, prés ma selle percée. — Sacre Dieu, respondit Villon, tant vous estes sage, prudent, entendu et curieux de vostre santé, et tant bien estes servy de vostre docte médecin, Thomas Linacer ! 11, voyant que naturellement, sus vos vieulx jours, estiez constipé du ventre, et que journellement vous failloit au cul fourrer un apothycaire, je dis un clistere, aultrement ne pouviez vous esmeutir, vous a faict icy aptement, non ailleurs, peindre les armes de France, par singulière et vertueuse providence. Car seulement les voyant, vous avez telle vezarde et peur si horrible que soubdain vous hantez comme dix huit bonaSes de Péonie. Si peinctes estoient en aultre lieu de vostre maison, en vostre chambre, en vostre salle, en vostre chapelle, en vos galleries, ou ailleurs, sacre Dieu ! vous chieriez partout sus l’jnstant que les auriez veues. Et croy que si d’abondant vous aviez icy en peincture la grande oriflambe de France, à la veue d'icelle vous rendriez les hoyaulx du ventre par le fondement. Mais, hen, hen, atq%e itervm hen !
Ne suis je badault de Paris ?
De Paris, dis je, auprès Pontoise,
Et d’une chorde d’une toise Sçaura mon coût que mon cul poise.
« Badault, dis je, mal advisé, mal entendu, mal entendant, quand venant icy avec vous, m’esbahissois de ce qu’en vostre chambre vous estiez faict vos chausses destacher. Véritablement je pensois qu’en icelle, darriere la tapisserie, ou en la venelle du lict, fust vostre selle percée. Aultrement, me sembloit le cas grandement incongru, soy ainsi destacher en chambre pour si loing aller au retraict lignagier. N’est ce un vray pensement de badault? Le cas ëst faict par bien aultre mystère, de par Dieu. Ainsi faisant, vous faites bien. Je dis si bien que mieulx ne sçauriez. Faites vous à bonne heure, bien loing, bien à poinct destacher. Car à vous entrant icy, n’estant destaché, voyant cestes armoiries, notez bien tout, sacre Dieu ! le fond de vos chausses feroit ofhee de lasanon, pital, bassin fecal et de selle percée. »
Frere Jean estouppant son nez avec la main gauche, avec le doigt indice de la dextre monstroit à Pantagruel la chemise de Panurge. Pantagruel, le voyant ainsi esmeu, transif, tremblant, hors de propous, concilié, et esgratigné des griphes du célébré chat Rodilardus, ne se peut contenir de • rire et luy dist : « Que voulez vous faire de ce chat? — De ce chat? respondit Panurge ; je me donne au diable si je ne pensois que fust un diableteau à poil follet, lequel nagueres j’avois cappietteinent happé en
tapinois, à belles moufles d’un bas de chausses, dedans la grande husche d’enfer. Au diable soit le diable ! Il m’a icy deschicquelé la peau en barbe d'escrevisse. » Ce disant, jetta bas son chat.
« Allez, dist Pantagruel, allez, de par Dieu, vous estuver, vous nettoyer, vous asceurer, prendre chemise blanche, et vous revestir. — Dictes vous, respondit Panurge, que j’ay peur? Pas maille. Je suis, par la vertu Dieu, plus couraigeux que si j’eusse autant de mousches avallé qu’il en est mis en paste dedans Paris, depuis la feste de S. Jean jusques à la Toussaints. Ha, lia, ha. Houay ! Que diable est-ce cy? Appeliez vous cecy foire, bren, crottes,’merde, fiant, dejection, matière fecale, excrement, repaire, laisse, esmeut, fumée, estron, scybale ou spyrate? C’est, croy je, safran d’Hibernie. Ho, ho, hie. C’est safran d’Hibernie. Sela ! Beuvons. »
