CHAPITRE LXVII
COMUKNT PANURGE, PAR MALE PEUR, SB CONCHIA, ET DU GRAND CHAT RODILARDUS • PENSOIT QUE FUST UN DUBLETEAU
Panurge, comme un boucq estourdy, sort de la soutte en chemise, ayant seulement un demy bas de chausses en jambe, sa barbe toute mouchetée de miettes de pain, tenant en main un grand chat soubelin attaché à l’aultre demy bas de ses chausses. Et remuant les babines comme un singe qui cherche poulx en teste, tremblant et clacquetant des dents, se tira vers frere Jean, lequel estoit assis sus le portehaubant de tribort, et dévotement le pria avoir de luy compassion, et le tenir en saulvegarde de
by GoogI
son bragmart. Affermant et jurant, par sa part de papimanie, tfu’il avoit à lieure présenté veu tous les diables deschainés.
et Agua, men emy, disoit il, men frere, men pere spirituel, tous les diables sont aujourd’huy de nopces. Tu ne vis onques tel apprest de banquet infernal. Voy tu la fumée des cuisines d’enfer? (Ce disoit, moostrant la fumée des pouldres à canon dessus toutes les naufz.) Tu ne vis onques tant d’ames damnées. Et sais tu quoy? Agua, men emy, elles sont tant douillettes, tant blondettes, tant délicates, que tu dirois proprement que fust ambrosie stygiale, J’ay cuidé (Dieu me le pardoint) que fussent âmes Angloises. Et pense qu’à ce matin ait esté l’isle des Chevaulx prés Escosse, par les seigneurs des Termes et Dessay saccagée et sacmentée avec tous les Anglois qui Tavoient surprinse. »
Frere Jean à l’approc-her sentoit je ne sçay quel odeur aultre que de pouldre à canon. Dont il tira Panurge en place, et apperceut que sa cher mise estoit toute foireuse et embrenée de frais. La vertu retentrice du nerf qui restrainct le muscle nommé sphincter (c'est le trou du cul) estoit dissolue par la vehemence de la peur qu’il avoit eu en ses phantasticques visions. Adjoiuct le tonnoire de telles canonnades, lequel plus est horrifique par les chambres basses que n’est sus le tillac. Car un des symptômes et accidens de peur, est que par luy ordinairement s'ouvre le guichet du serrail on quel est à temps la matière fecale retenue.
Exemple en messerc Pantolfe de la Cassine, Senois, lequel, en poste passant par Chambéry, et chez le sage mesnagier Vinet descendant, print une fourche de Testable, puis luy dist : Da, Roma in qua io non son andato del corpo. Di gratia, piglia in mano questa forcha, et fa mi paura. Vinet, avec la fourche, faisoit plusieurs tours d’escrime, comme feignant le vouloir à bon essient frapper. Le Senois luy dist : Se tu non fai altramenie^ tu non fai nulla. Pero sforzaii di adoperarli piü guagliardamente. Adonc Vinet de la fourche luy donna un si grand coup entre col et collet qu’il le jetta par terre à jambes rebidaines. Puis, bavant et riant à pleine gueule, luy dist : a Feste Dieu, Bayart, cela s’appelle Daium Camberiaci. » A bonne heure avoit le Senois ses chausses destachées, car soubdain il fianta plus copieusement que n’eussent faict neuf beufles et quatorze archiprestres de Hostie. En fin, le Senois gracieusement remercia Vinet, et luy dist : Io ti ringratio, bel messere. Cosï facendo tu m’kai esparmiata la speza d'un servitiale. Exemple aultre on roy d’Angleterre, Edouard le quint. Maistre François Villon, ôanny de France, s’estoit vers luy retiré. 11 Tavoit en si grande privaulté rcceu que rien ne luy celoit des menues négoces de sa maison. Un jour le roy susdict, estant à ses affaires, monstra à Villon les armes de
