LIVRE V

ne m’aidez à la solution du problesme susdit, desja, et n’y a gueres, je me répons vous l’avoir proposé, pourtant que ce m’est pareil estrif comme si le loup tenois par les oreilles sans espoir de secours aucun. Plaist? m’entends bien : vous n’estes délibérés d’y respondre. Non feray je, par ma barbe : seulement vous allegueray ce qu’en avoit prédit en esprit prophétique un venerable docteur, auteur du livre intitulé la Cornemuse des prélats. Que dit il, le paillard? Escoutez, vietz dazes, escoutez.

. L'an jubilé, que tout le monde raire Fadas se fit, est supernumeraire Au dessus trente. O peu de reverence !

Fat il serabloit; mais en perseverance De long brevet, fat plus ne gloux sera :

Car le doux fruict de l'herbe esgoussera.

Dont tant craignoit la fleur en prime vere.

Vous l’avez ouy, l’avez vous entendu? Le docteur est antique, les paroles sont laconiques, les sentences Scotines et obscures, ce non obstant qu’il traitast matière de soy profonde et difficile. Les meilleurs interprètes d’iceluy bon pere 'exposent, l’an jubilé passant le trentiesme, estre les années encloses entre ceste aage courante l'an mille cinq cens cinquante. Le monde plus fat ne sera dit, venant la prime saison. Les fols, le nombre desquels est infiny, comme atteste Salomon, périront enragés, et toute espece de folie cessera : laquelle est pareillement innombrable, comme dit Avicenne, maniœ infinitæ sunt species. Laquelle durant la rigueur hybemale esloit au centre repercutée, apparoist en la circonférence, et est en sesve comme les arbres. L’experience nous le demonslre, vous le sçavez, vous le voyez. Et fut jadis exploré par le grand bonhomme Hippocrates, Aphorism. Verœ etenim maniœ, etc. Le monde donc ensagissant plus ne craindra la fleur des febves en la prime vere, c’est à dire (comme pouvez, le verre au poing et les larmes à l’œil, pitoyablement croire), en caresme, un tas de livres qui sembloient florides, florulens, floris comme beaux papillons, mais au vray estaient ennuyeux, fascheux, dangereux, espineux et tenebreux, comme ceux d’Heraclitus, oj)scurs comme les nombres de Pythagoras (qui fut roi de la febve, tesmoin Horace). Iceux périront, plus ne viendront en main, plus ne seront leuz ne veuz. Telle estait leur destinée, et là fut leur fin prédestinée.

Au lieu d’iceux ont succédé les febves en gousse. Ce sont ces joyeux et fructueux livres de Pantagruélisme, lesquels sont pour ce jourd’hurén bruit de bonne vente, attendant le période du jubilé subséquent, à l’estude desquels tout le monde s’est adonné; aussi est il Sâge nommé. Voylàvostre problesme solu et résolu; fuites vous gens de bien là dessus. Toussez icy