PROLOGUE DE M. FR. RABELAIS

, PODH

LE CINQUIESME LIVRE DES FAICTS ET DICT3 HEROÏQUES DE PANTAGRDEl

AUX LECTEURS BENEVOLES

Beuveurs infatigables, et vous, verolés très précieux, pendant qu’estes de loisir, et que n’ay aultre plus urgent affaire en main, je vous demande en demandant : Pourquoy est ce qu’on dit maintenant en commun proverbe : Le monde n’est plus fat? Fat est un vocable de Languedoc, et signifie non salé, sans sel, insipide, fade ; par métaphore, signifie fol, niais, despourveu de sens, esventé de cerveau. Voudriez vous dire, comme de faict on peut logicalement inferer, que par cy devant le monde euSt esté fat, maintenant seroit devenu sage? Par quantes et quelles conditions estoit il fat? Quantes et quelles conditions estoient requises à le faire sage? Pourquoy estoit il fat? Pourquoy seroit il sage? En quoy cognoissez vous la folie antique? En quoy cognoissez vous la sagesse présente? Qui le fit fet? qui l’a faict sage? Le nombre desquels est plus grand, ou de ceux qui l’aimoient fat, ou de ceux qui l’aiment sage? Quant de temps fut il fat? Quant de temps sera il sage? Dont procedoit la folie antecedente? dont procédé la sagesse subséquente? Pourquoy, en ce temps, non plus tard, print fin l’antique folie? Pourquoy, en ce temps, non plus tost, commença la sagesse prefente? Quel mal nous estoit de la folie precedente? Quel bien nous est de la sagesse succédé nte? Comment seroit la folie antique abolie? Comment seroit la sagesse présente instaurée?

Respondez, si bon vous semble : d’autre adjuration n’useray je envers vos reverences, craignant altérer vos paternités. N’ayez honte, faites confusion à Her del Tyfel, ennemy de paradis, ennemy de vérité. Courage, enfans : si estes des miens, beuvez trois ou cinq fois pour la première partie du sermon, puis respondez à ma demande; si estes de l’autre, avalisque Salanas. Car je vous jure mon grand Hurluburlu que si autrement