CHAPITRE VII

COHHKNT P.'NURGE RACONTE A MAISTRE AEDITUE L’ APOLOGUE DU HOUSSIN

ET DE L'ASNB

Avoir bien beu et bien repeu, Aeditue nous mena en uce chambre bien garnie, bien tapissée et toute dorée. Là nous fit apporter myrobalans, brain de basme, et zinzembre verd confit, force hipocras et vin délicieux : et nous invitoit par ces antidotes comme par breuvage du fleuve de Lethé, mettre en oubly et nonchalance les fatigues qu’avions paty sus la marine ; fit aussi porter vivres en abondance à nos navires qui surgcoient au port. Ainsi reposasmes par icelle nuyt, mais je ne pouvois dormir à cause du sempiternel brinballement des cloches.

A minuyt, Aeditue nous esveilla pour boire ; luy mesme beut le premier, disant ; a Vous autres de l’autre monde dictes qu’ignorance est mere de tous maux, et dictes vray ; mais toutesfois vous ne la bannissez mie de vos entendemens, et vivez en elle, avec elle, par elle. C’est pourquoy tant de maux vous meshaignent de jour en jour; tousjours vous plaignez, tousjours lamentez, jamais n’estes assouvis. Je le considéré présentement. Car ignorance vous tient icy au lict liés comme fut le dieu des batailles par l’art de Vulcan, et n’entendez que le devoir vostre estoit d’espargner de vostre sommeil, point n'esparguer les biens de ceste fameuse isle. Vous debvriez avoir ja faict trois repas, et tenez cela de moy que pour manger les vivres de l'isle Sonnante se faut lever bien matin : les mangcans, ils multiplient; les espai^oans, ils vont en diminution.

a Fauchez le pré en sa saison, l'herbe y reviendra plus drue, et de meilleure emploicte ; ne le fauchez point, en peu d’années il ne sera tapissé que de mousse. Beuvons, amis, beuvons trestous : les plus maigres de nos oiseaux chantent maintenant tous à nous, nous boirons à eux s’il vous plaist. Beuvons de grâce : vous n’en cracherez tantost que mieux. Beuvons, une, deux, trois, neuf fois, non zelus, sed charitas. » Au point du jour pareillement nous esveilla pour manger soupes de prime.

âp.