CHAPITRE VIII
COMMENT NOUS FUT MONSTRE PAPEGAUT A GRANDE DUrFICULTÉ
Le tiers jour continua en festins et mesmes banquets que les deux precedents. Auquel jour Pantagruel requeroit instamment voir Papegaut ; mais Aeditue respondit qu’il ne se laissoit ainsi facilement voir. < Comment, dist Pantagruel, a il l’armet de Pluton en teste, l’anneau de Gyges es gryphes, ou un caméléon en sein, pour se rendre invisible au monde? — Non, respondit Aeditue ; mais il par nature est d’accès un peu difficile. Je donneray toutesfois ordre que le puissiez voir, si faire se peut. » Ce mot achevé, nous laissa au lieu grignotans. Un quart d’heure après retourné, nous dist Papegaut estre pour ceste heure visible : et nous mena en tapinois et silende droit i la cage en laquelle il estoit acroué, accom pagné de deux petits Cardingaux, et de six gras et gras Evesgaux. Panurge curieusement considéra sa forme, ses gestes, son maintien. Puis s’escria à haute voix, disant : « En mal an soit la beste! il semble une duppe. — Parlez bas, dist Aeditue, de par Dieu, il a oreilles, comme sagement nota Michael de Matiscones. — Si a- bien une duppe. dist Panurge. — Si une fois il vous entend ainsi blasphemans, vous estes perdus, bonnes gens ; voyez vous là dedans sa cage un bassin? D’iceluy sortira foudre, tonnoire, esclairs, diables et tempeste, par lesquels en un moment serez cent pieds sous terre abismés. — Mieux seroit, dist frere Jean, boire et banqueter, r Panuige restoit en contemplation vehemente de
KOI
Papegaut et de sa compagnie, quand il apperceut au dessous de sa cage une cheveche ; adonc s’escria, disant : « Par la vertu Dieu, nous sommes icy bien pippés à pleines pippes, et mal equippés. Il y a, par Dieu, de la pipperie, fripperie et ripperie tant et plus en ce manoir. Regardez là ceste cheveche, nous sommes par Dieu assassinés. — Parlez bas, de par Dieu, jist Aeditue ; ce n'est mie une cheveche : il est masle, c'est un noble chevechier. — Mais, dist Pantagruel, laites nous icy quelque peu Papegaut chanter, afin qu'oyons son harmonie. — Il ne chante, respondit Aeditue, qu'à ses jours, et ne mange qu'à ses heures. — Non fuis je, dist Panurge, mais toutes les heures sont miennes. Allons donc boire d'autant. — Vous, dist Aeditue, parlez à ceste heure correct : ainsi parlant jamais ne serez heretique. Allons, j'en suis d'opinion. » Retoumans à la beuverie, apperceusmes un vieil Evesgaut à teste verde, lequel estoit acroué, accompagné d’un souffiegan et trois onocrotales, oiseaux joye.ux, et ronfloit sous une feuillade. Prés kiy estoit une jolie abbegesse, laquelle joyeusement chantoit, et y prenions plaisir si grand que desirions tous nos membres en oreilles convertis pour rien ne perdre de son chant, et du tout, sans ailleurs estre distraicts, y vaquer. Panurge dist : « Ceste belle abbegesse SC rompt la teste à force de chanter, et ce gros villain Evesgaut ronfle ce pendant. Je le feray bien tantost chanter de par le diable. » Lors sonna une cloche pendante sus sa cage ; mais quelque sonnerie qu'il fist, plus fort ronfloit Evesgaut, point ne chantoit. «Par Dieu, dist Panurge, vieille buze, par moyen autre bien chanter je vous feray. n Adonc print une grosse pierre, le voulant ferir par la moitié. Mais Aeditue s’escria, disant : a Homme de bien, frappe, feris, tue et meurtris tous roys et princes du monde, en trahison, par venin ou autrement, quand tu voudras; dénichés des cieulx les anges, de tout auras pardon du Papegaut : à ces sacrez oiseaux ne touche, d'autant qu’aimes la vie, le profit, le bien, tant de toy que de tes parens et amis vifs et trépassés; encores ceux qui d'eux après naistroient en sentiroient infortune. Considéré bien ce bassin. — Mieux donc vault, dist Panuige, boire d'autant et banqueter. — 11 dit bien, monsieur Antitus, dist frere Jean : cy voyans ces diables d’oiseaux, ne faisons que blasphémer ; vuidant vos bouteilles et potz, ne faisons que Dieu louer. Allons donc boire d'autant. O le beau mot! »
Le troisième jour, après boire (comme entendez), nous donna Aeditue congé. Nous luy fismes présent d’un beau petit Cousteau perguois, lequel il print plus à gré que ne fît Artaxerxes le voirre d’eau froide que luy présenta un païsan. Et nous remercia courtoisement : envoya en nos navires rafraîchissement de toutes munitions : nous souhaita bon voyage et venir à sauvement de nos personnes et fin de nos entreprinses, et nous
