LIVRE V, CHAPITRE VIII

« de ce nous autres faisons foin et pitance. O monsieur le roussin, « mon amy, si tu nous avois veu en foires quand nous tenons nostre e chapitre provincial, comment nous baudouinons à gogo pendant que nos « nuistresses vendent leurs oisons et poussins ! » Telle fut leur départie. J’ay dit. »

A tant se teut Panurge, et plus mot ne sonnoit. Pantagruel l’admonestoit conclure le propos. Mais Aeditue respondit : a A bon entendeur ne fault qu’une parole. J’entends très bien ce que par cest apologue de l’asne et du cheval voudriez dire et inferer, mais vous estes honteux. Sachez qu’icy n’y a rien pour vous; n’en parlez plus. — Si ay je, dist Panurge, n’agueres icy veu une abbegesse à blanc plumage, laquelle mieux vaudrait chevaucher que mener en main. Et si les autres sont dames oiseaux, elle me sembleroit dame oiselle. Je dis cointe et jolie, bien valant «n péché ou deux. Dieu me le pardoint, partant je n’y pensois point en mal : le mai que j’y pense me puisse soudain advenif ! »