CHAPITRE XII
UES CHEVACLX FACTICES DE UARGANTUA
Ihiis, afin que toute sa vie fust bon chevaucheur, l'on luy lit un beau ^'rand cheval de bois, lequel il faisoit penader, saulter, voltiger, ruer et danser tout ensemble; aller le pas, le trot, l'entrepas, le galop, les ambles, le hobin, le traquenard, le camelin et l’onagrier. Et luy faisoit changer de poil, comme font les moines de .';ourtibaux, selon les festes : de bailbrun, d’alezan, de gris pommelé, de poil de rat, de cerf, de rouen, de vache, de zencle, de pecilc, de pye, de leuce.
Luy mesmes, d’une grosse traine fit un cheval pour la chasse ; un aultre d’un fust de pressouer, à tous les jours ; et, d'un grand chesne, une mule avec la housse pour la chambre. Encores en eut il dix ou douze à relais, et sept pour la poste et tous mettoit coucher auprès de soy.
Un jour, le seigneur de Painensac visita son pere en gius train et apparat, au quel jour l’estoient semblablement venus voir le duc de Fancrepas et le comte de Mouillevent. Par ma foy, le logis fut un peu estroict pour tant de gens, et singulièrement les estables : donc le maistre d'hostel et fourrier dudit seigneur de Painensac, pour savoir si ailleurs en la maison estoient estables vacques, s’adressèrent à Gargantua, jeune garsonuet, luy demandans secrettement où estoient les estatbles des grands chevaulx, pensans que voluntiers les enfans deceilent tout.
I, Lors il les mena par les grands degrés du chasteaii, passant par la seconde salle en une grande galerie, par laquelle entrèrent en une grosse tour, et, eux montans par d’aultres degrés, dist le fourrier au maistre d’hostel : <f Cest enfant nous abuse, car les estables ne sont jamais au hault de la maison- — C’est, dist le maistre d’hostel, mal entendu à vous, car je sçay des lieux, à Lyon, à la Basmette, à Chaisnon et ailleurs, où les estables sont au plus hault du logis ; ainsi peut estre que derrière y a issue au montouer. Mais je le demanderay plus asseurement. » Lors demanda à
GARGANTUA
- (.argantua : « Mon petit mipon, où nous menez vous? — A Testable, dist il, de mes grands chevaulx. Nous y sommes tantost : montons seulement ces eschallons. »
Puis, les passant par une aultre grande salle, les mena en sa chambre, et, retirant la porte : « Voicy, dist il, les estables que demandez ; voilà mon genest, voilà mon guildin, mon lavedan, mon traquenard , » et, les chai^eant d’un gros levier : « Je vous donne, dist il, ce phryson , je Tay eu de Francfort, mais il sera vostre; il est bon petit chevallet, et de grand peine : avec un tiercelet d’autour, demie douzaine d’espanolz et deux lévriers, vous voilà roy des perdrix et lievres pour tout cest byver. — Par saint Jean, dirent ilz, nous en sommes bien; à ccste heure avons nous le moyne. — Je le vous nye, dist il ; il ne fut, trois jours a, céans, v Devinez icy duquel des deux ilz avoient plus matière, ou de soy cacher pour leur honte, ou de rire pour le passetemps.
Eux en ce pas descendens tout confus, il demanda ■ « Voulez vous une aubeliere? — Qu’est ce? dirent ils. — Ce sont, responditil, cinq eslroncs pour vous faire une museliere. — Pour ce jourd’huy, dist le maistre d’hostel, si nous sommes roustis , jà au feu ne bruslerons, car nous sommes lardés à poinct en mon advis. O petit mignon, tu nous a baillé foin en corne : je te verray quelque jour pape. — Je l’entends, dist il, ainsi ; mais lors vous serez ppillon, et ce gentil papeguay sera un papelard tout faict. — Voire, voire, dist le fourrier.
— Mais, dist Gaigantua, devinez combien y a de poincts d’agueillc en la chemise de ma mere? — Seize, dist le fourrier. — Vous, dist Gargantua, ne dictes Tevangilo : car il y en a sens devant et sens derrière, et les comptastes trop mal — Quand? dist le fourrier. — Alors, dist Gargantua, qu’on fist de vostre nez une dille pour tirer un muy de merde, et de vostre gorge un entonnoir, pour la mettre en aultre vaisseau, car les fonds estoient esvontés. — Cor Dieu, dist le maistre d’hostel, nous avons trouvé un causeur. Monsieur le jaseur. Dieu vous guard de mal, tant vous avez la bouche fraische. »
Ainsi descendens à grand haste, sous l’arceau des degrés laissèrent tomber le gros levier qu’il leur avoit chargé. Dont dist Gargantua : « Que diantre vous estes mauvais chevaucheurs ! Vostre courtaut vous fault au besoing. S’il vous falloit aller d’icy à Cahusac, qu’aimeriez vous mieul.v, ou chevaucher un oison, ou mener une truie en laisse? — J’airaerois mieulx boire, » dist le fourrier. Et, ce disant, entreront en la sale basse, où estoit toute la brigade, et, racontans ceste nouvelle histoire, les firent rire comme un tas de mousches.
