LIVRE V, CHAPITRE XI
les auroieiit en horreur et abomination. C’est pourquoy ainsi que Hannibal eut de son pere Amilcar, sous solennelle et religieuse adjuration, commandement de persécuter les Romains tant qu’il vivroit, aussi ay je de feu mon pere injonction icy hors demeurer, attendant que là dedans tombe la fouldre du ciel, et en cendre les réduise, comme aultres Titanes, prophanes et tlidomachcs, puisque les humains tant et tant sont des corps endurcis que le mal par iceux advenu, advenant et à venir ne recordenf, ne sentent, ne prevoyent, ou le sentant n'osent et ne veulent ou ne peuvent les exterminer. — Qu’est ce cela? dist Panurge; ha, non, non, je n’y vais pas, par Dieu; retournons. Retournons, dis je, de par Dieu :
Ce noble gueux m’a plus fort estonné Que si du ciel en automne eust tonné.
Retournans, trouvasmes la porte fermée : et nous fut dict que là facilement on y entroit comme en Averne ; à issir estoit la difficulté, et que ne sortirions hors en maniéré que ce fust, sans bulletin et descharge de l’assistance, par ceste seule raison qu’on ne s’en va pas des foires comme du marché, et qu’avions les pieds pouidreux. Le pis fut quand passasmes le guichet. Car nous fusmes présentés, pour avoir nostre bulletin et descharge, devant un monstre le plus hideux que jamais fust descrit. On le nommoit Grippeminaud. Je ne vous le sçaurois mieux comparer qu’à Chimère, ou à Sphinx ou à Cerberus, ou bien au simulachre d’Osiris, ainsi que le figuroient les Æ^nptiens, par trois testes ensemble joinctes : sçavoir est d’un bon rugient, d'un chien flattant, et d’un loup baislant, entortillés d'un dragon soy mordant la queue, et de rayons scintillans à l’entour. Les mains avoit pleines de sang, les gryphes comme de harpye, le museau à bec de corbin, les dents d’un sanglier quadrannier, les yeux flamboyans comme une gueule d’enfer, tout couvert de mortiers entrelassés de pillons : seulement apparoissoient les gryphes. Le siégé d’iceluy et de tous ses collateraux Chats garanniers estoit d’un long râtelier tout neuf, an dessus duquel par forme de revers instablées estoient mangeoires fort amples et belles, selon l’adverlisseraent du gueux. A l’endroit du siégé principal estoit l’image d’une vieille femme, tenant en main dextre un fourreau de faucille, en senestre une balance, et portant bezicles au nez. Les coupes de la balance estoient de deux gibbecieres veloutées, l’une pleine de billon et pendante, l’aultre vuide et longue eslevée au dessus du tresbuebet. Et suis d’opinion que c’estoit le pourtraict de justice grippeminaudicre, bien abhorrente de l’institution des antiques Thebains, qui erigeoient les statues de leurs Dicastes et juges après leur mort, en or, en aident, en marbre, selon leur mérité, toutes sans mains. Quand fusmes devant luy présentés, ne
sçay quelle sorte de gens, tous vestus de gibbecieres et de sacs, à grands lambeaux d’escritiires, nous liront sus une sellette asseoir. Panurge disoit : « Gallefretiers, mes amis, je ne suis que trop bien ainsi debout ; aussi bien elle est trop basse pour homme qui a chausses ncufves et court pourpoinct. — .Assoyez vous là, respondirent ils, et que plus on ne vous le die. La terre présentement s’ouvrira pour tous vifs vous engloutir si fai liez à bien respondre. d
