LIVRE V, CHAPITRE XVI

aisé, car la mer estant calme et les vents baissés, en peu de temps ils furent aux roches. Comme ils eurent prins terre, Epistemon, qui admiroit l'assiette du lieu et l'estrangeté des rochers, advisa quelques habitons dudict pays. Le premier i qui il s’adressa estoit vestu d’une robe gocourte, de couleur de roy, avoit le pourpoinct de demy ostade à bas de manches de satin, et le haut estoit de chamois, le bonnet à la coquarde : homme d'assez bonne façon, et, comme depuis nous sceusmes, il avoit nom Guaignebeaucoup. Epistemon luy demanda comme s’appeloient ces rochers et vallées si estranges. Guaignebeaucoup luy dist que c'estoit une colonie tirée du pays de Procuration, et l'appelloient les Cahiers ; et qu'au delà des rochers, ayans passé un petit gué, nous trouverions l'isle des Apedeftes. a Vertus d'Extravagantes, dist frère Jean ! Et vous aultres gens de bien, de quoy vivez vous icy? Sçaurions nous boire en vostre verre? car je ne vous voy aucuns outils que parchemins, cornets et plumes.

— Nous ne vivons, respondit Guaignebeaucoup, que de cela aussi : car il faut que tous ceux qui ont affaire en l'isle passent par mes mains. — [’ourquoy? dist Panurge, estes vous barbier, qu'il faut qu'ils soient festonnés ? — Ouy, dist Guaignebeaucoup, quant aux testons de la bourse.

— Par Dieu, dist Panurge, vous n'aurez de moy denier ny maille; mais je vous prie, beau sire, menez nous à ces Apedeftes, car nous venons du pays des sçavans, où je n'ay gueres gaigné. » Et comme ils devisoient, ils arrivèrent en l'isle des Apedeftes : car l'eau fut tantost passée. Pantagruel fut en grande admiration de la structure, de la demeure et habitation des gens du pays : car ils demourenl en un grand pressoucr, auquel on monte prés de cinquante degrés; et avant que d'entrer au maistre pressouer (car leans y en a des petits, grands, secrets, moyens, et de toutes sortes) vous passez par un grand péristyle, où vous voyez en paysage les ruines presque de tout le monde, tant de potences de grands larrons, tant de gibets, de questions, que cela nous fit peur. Voyant Guaignebeaucoup que Pantagruel s'amusoit à cela : « Monsieur, dist il, allons plus avant : cecy n'est rien.

— Comment, dist frere Jean, ce n'est rien. Par l'ame de ma braguette cschaulfée, Panurge et moy tremblons de belle faim. J'aimeroys mieux boire que voir ces ruines icy. — Venez, » dist Guaignebeaucoup.

Lors nous mena en un petit pressouer qui estoit caché sus le derrière, que l'on appelloit en langage de l'isle, Pithies. Là ne demandez pas si maistre Jean se traicta, et Panurge : car saulcissons de Milan, coqs d'Indes, chappons, autardes, malvoisie, et toutes bonnes viandes estaient prestes et fort bien accoustrées. Un petit bouteiller voyant que frere Jean avoit donné une œillade amoureuse sus une bouteille qui estoit prés d'un buffet, séparée de la troupe bouteillique, dist à Pantagruel : a Monsieur, je voy que

Dir;

TANTAGRUEL S4S

l’un de vos gens fait l'amour à ceste bouteille : je vous supplie bien fort qu’il n’y soit touché, car c’est pour Messieurs. — Comment, disi Panurge, il y a donc des messieuts céans? L’on y vendange, à ce que je voy. » Alors Guaignebcaucoup nous fit monter, par un petit degré caché, en une chambre par laquelle il nous monstra les Messieurs qui estoient dans le grand pressouer, auquel il nous dist qu’il n’esloit licite à homme d’y entrer sans congé, mais que nous les voirions bien par ce petit goulet de fenestre, sans qu'ils nous vissent.

Quand nous y fusmes, nous advisasmes dans un grand pressouer vingt ou vingt cinq gros pendars à l’entour d’un grand bourreau tout habillé de verd, qui s’entreregardoient, ayans les mains longues comme jambes de grue, et les ongles de deux pieds pour le mo'ns : car il leur est défendu de les roigner jamais, de sorte qu’ils leur deviennent croches comme rançons ou rivereaux ; et sus l’heure fut amenée une grosse grappe de vigne qu’on vendange en ce pays là, du plant de l’ Extraordinaire, qui souvent pend à eschalats. Sitost que la grappe fut là, ils la mirent au pressouer et n’y eut grain dont pas un ne pressurast de l’huile d’or : tant que la pauvre grappe fut rapportée si seiche et espluchée qu'il n’y avoit plus ne jus ne liqueur du monde. Or, nous contoit Guaignebeaucoup, qu’ils n’ont pas souvent ces grosses là ; mais qu’ils en ont toujours d’aultres sus le pressouer. c Mais, mon compere, dist Panurge, en ont ils de beaucoup de plants ?

— Ouy, dist Guaignebeaucoup. Voyez vous bien ceste là petite que voyez qu’on s’en va remettre au pressouer ? c’est celle du plant des Décimés : ils en tirèrent desja l’aultre jour jusques au pressurage ; mais l’huile sentoit le coffre au prebstre, et Messieurs n’y trouvèrent pas grands appigrets. — Pourquoy donc, dist Pantagruel, la remettent ils au pressouer ? — Pour voir, dist Guaignebeaucoup, s'il y a poinct quelque omission de jus ou receple dedans le marc, — Et digne vertu Dieu, dist frere Jean, appeliez vous ces gens là ignorans? Comment diable ! ils tireroient de l’huile d’un mur. — Aussi font-ils, dist Guaignebeaucoup ; car souvent ils mettent au pressouer des chasteaux, des parcs, des forests, et de tout en tirent l’or potable. — Vous voulez dire portable, dist Epistemon. — Je dis potable, dist Guaignebeaucoup : car l’on en boit céans maintes bouteilles que l’on ne devrait pas. Il y en a de tant de plants que l'on n’en sçait le nombre. Passez jusques icy, et voyez dans ce courlil : en voyla plus de mille qui n’attendant que l’heure d’estre presseurés. En voyla du plant general; voyla du particuh'er, des fortifications, des emprunts, des dons, des casuels, des domaines, des menus plaisirs, des postes, des offrandes, de la Maison. — Et qui est ceste grosse là, à qui toutes ces petites sont à l’environ?

— C'est, dist Guaignebeaucoup, de l’Espargne, qui est le meilleur plant de