LIVRE V, CHAPITRE XX

dire Sibbolelh. Et n’y a liomme, pour tous taire, en Beauce, qui bien ne m’eust avec une charretée de foin estouppé le trou du cul. »

Depuis njius mena le capitaine au palais de la royne en silence et grandes ceremonies. Pantagruel lui voulait tenir quelques propos ; mais, ne pouvant monter si haut qu'il estait, souhaitoit une esclielle, ou des eschasses bien grandes. Puis dist : « Baste! si nostre dame la royne vouloit, nous serions aussi grands comme vous. Ce sera quand il luy plaira. » Par les premières galleries rencontrasraes grand tourbe de gens malades, lesquels estoient installés diversement, selon la diversité des maladies. Les ladres à part, les empoisonnés en un lieu, les pestiférés ailleurs, les verolés en premier rang : ainsi de tous aultres.