LIVRE J, CHAPITRE XIV

— Retournons, dit Grandgousier, à nostre propos. — Quel? dist Gargantua. chier? — Non, dist Grandgousier, mais torcher le cul. — Mais, dist Gargantua, voulez vous payer un bussart de vin breton, si je vous fais (juinault en ce propos? — Ouy vrayement, dist Grandgousier.

— Il n'est, dist Gargantua, poinct besoing torcher le cul, sinon qu'il

y ait ordure. Ordure n'y peut estre, si on n'a chié : chier donc nous

fault davant que le cul torcher. — O ! dist Grandgousier, que tu as bon sens, petit garsonnet ! Ces premiers jours, je te feray passer docteur en Sorbone, par Dieu, car tu as de raison plus que d'aage.

« Or poursuis ce propos torcheculatif, je t'en prie. Et, par ma barbe,

pour un bussart tu auras soixante pipes, j'entends de ce bon vin breton

lequel poinct ne croist en Bretaigne, mais en ce bon pays de Verron. .

— Je me torchay après, dist Gargantua, d'un couvrechief, d'un oreiller, d'une pantouphie, d'une gibessiere, d'un panier, mais 6 le malplaisant tarchecul! puis d'un chappeau. Et notez que des chappeaux les uns sont ras, les autres à poil, les aultres veloutés, les aulires taffetassés, les aultres satinizés. meilleur de tous est celuy de poil, car il fait très bonne abstersion' de la matière fecale.

« Puis me torchay d'une poulie, d'un coq, d'un poullet, de la peau d'un veau, d'un lievre, d'un pigeon, d’un cormoran, d’un sac d’advocat, d’une barbute, d’une coyphe, d’un leurre.

< Mais, concluant, je dis et maintiens qu'il n'y a tel torchecul que d'un otzon bien dumeté, pourveu qu'on luy tienne la teste entre les jambes. Et m'en croyez sus mon honneur, car vous sentez au trou du cul une volupté mirifique, tant par la douceur d'iceluy dumet que par la chaleur temperée de l’oizon, laquelle facilement est communiquée au boyau culier et aultres intestins, jusques à venir à la région du cœur et du cerveau.

« Et ne pensez que la béatitude des heroes et semidieux, qui sont par les champs Elysiens, soit en leur asphodèle, ou ambroisie, ou nectar, conune disent ces vieilles icy. Elle est, selon mon opinion, en ce qu'ilz se torchent le cul d'un oison. Et telle est l’opinion de maistre Jean d’Escosse. p