COMMENT GABGAKTDA PUT INSTITUÉ PAB UN THÉOLOGIEN EN LETTRES LATINES

Ces propos entenduz, le bon homme Grandgousier fiit ravy en admiration, considérant le haut sens et merveilleux entendement de son filz Gargantua.

GARGANTUA

El dist à ses gouveraantes : « Philippe, roy de Macedone, cogneut le bon sens de son filz Alexandre, à manier dextrement uik cheval. Car le dirt cheval esloit si terrible et si effrené que nul ne osoit monter dessus, parce qu’à tous ses chevaucheurs il bailloit la saccade, à l’un rompant le cou, à l’aultre les jambes, à l’aultre la cervelle, à l’aultre les mandibules. Ce que considérant Alexandre en l’hippodrome (qui estoit le lieu où l’on pounnenoit et voltigeoit les chevaux), advisa que la fureur du cheval ne venoit que de frayeur qu’il prenait à son ombre. Donc, montant dessus, le fit courir encontre le soleil, si que l’ombre tomboit par derrière ; et, par ce moyen, rendit le cheval doulx à son vouloir. A quoy cogneut son pere le divin entendement qui en luy estoit, et le fit très bien endoctriner par Aristoteles, qui pour lors estoit estimé sus tous philosophes de Grece.

« Mais je vous dis qu’en ce seul propos que j’ay présentement devant vous tenu à mon filz Gargantua, je cognois que son entendement participe de quelque divinité, tant je le voy agu, subtil, profond et serain. Et parviendra à degré souverain de sapience, s’il est bien institué. Par ainsi, je veulx le bailler à quelque homme savant, pour l’endoctriner selon sa capaçj^ Et n’y veulx rien espargner. »

^De faict, l'on luy enseipa un grand docteur en théologie, nommé maistre Thubal Holofeme, qui luy apprit sa charte, si bien qu’il la disoit par cœur au rebours : et y fut cinq ans et trois mois ; puis luy leut le Donal. le Facet, Théodolet, et Alanus in Parabolis, et y fut treize ans six mois et deux sepmaines.

Mais notez que, ce pendant, il lui apprenoit à escrire gothiquement, et escrivoit tous ses livres : car l’art d’impression n’estoit encore en usaige.

Et portoit ordinairement un gros escritoire, pesant plus de sept mille quintaulx, duquel le galimart estoit aussi gros et grand que les gros pilliers d’Enay ; et le cornet y pendoit à grosses chaînes de fer, à la capacité d’un tonneau de marchandise.

Puy luy leut de Modis significandi, avec les commens de Hurtebise, de Fasquin, de Tropditeux, de Gualehaul, de Jehan le Veau, de Billoniu, Brelinpandus, et un tas d’aultres : et y fut plus de dixhuit ans et unze mois. Et le sceut si bien qu’au coupelaud il le rendoit pàr cœur à revers. Et prouvoit sus ses doigts, à sa mere, que de modis sîgnificandi non eraC scientia.

Puis luy leut le Compost, où il fut bien seize ans et deux mois, lors ’ue son dict précepteur mourut :

Et fut l’an mil quatre cens vingt,

De la verole qui luy vint.