LIVRE V, CHAPITRE XXXI
tant eussiez proprement dict et juré que fust soye retorse, et n'avoieot saveur aucune. On penserait qu’Heliogabalus là eust pris, comme transsumpt de bulle, forme de festoyer ceux qu’il avoit long temps fait jeusner, leur promettant en fin banquet somptueux, abondant, impérial;, puis les paissoit de viandes en cire, en marbre, en potterie, en peintures et nappes figurées.
Cerchans donc par ledit pays si viandes aucunes trouverions, l >leiidismes un bruit strident et divers, comme si fussent femmes lavant 'a buée ou traquets de moulins du Bazacle lez Tolose ; sans plus séjourner, nous transportasmes au lieu où c’estoit, et vismes un petit vieillard bossu, contrefait et monstrueux ; on le nomnioit Ony dire : il avoit la gueule fendue jusques aux oreilles, et dedans la gueule sept langues, et chaque langue fendue en sept parties ; quoy que ce fust, de toutes sept ensemble* ment parloit divers propos et langages divers : avoit aussi parmy la teste et le reste du corps autant d’oreilles comme jadis eut Argus d’yeux; au reste estoit aveugle et paralytique des jambes.
.Autour de luy je vis nombre innumerable d’hommes et de femmes escoutans et attentifs, et en recognu aucuns parmy la trouppe faisans bon minois, d’entre lesquels un pour fors tenoit une mappemonde, et la leur exposoit sommairement par petits aphorismes, et y devenoient clercs et scavans en peu d’heures, et parloient de prou de choses prodigieuses elegantement et par bonne mémoire, pour la centiesme partie desquelles s^’avoir ne suffirait la vie de l’homme : des pyramides, du Nil, de Babylone, des Troglodites, des Hymantopodes, des Blemmyes, des Pigmées, des Caiiibales, des monts Hyperborées, des Ægipanes, de tous les diables, et toul par Ouy dire.
Là je vis, selon mon advis, Hérodote, Pline, Solin, Berose, Philostrate, ■Mêla, Strabo, et tant d’autres antiques, plus Albert le jacobin grand, Pierre Tesmoing, pape Pie second, Volateran, Paulo Jovio le vaillant homme, Jacques Cartier, Chaïton Amienian, Marc Paule Vénitien, Ludovic Bomain, Pietre Alvares, et ne sçay combien d’autres modernes historiens rachés'derriere une piece de tapisserie, en tapinois escrivans de belles besongnes, et tout par Ouy dire.
Derrière une piece de velours figuré à feuilles de menthe, prés d’ Ouy dire, je vis nombre grand de Percherons et Manceaux, bons estudians, jeunes assez : et demandans en quelle faculté ils appliquoient leur estude, entendismes que là de jeunesse ils apprenoient à estre tesmoins, et en cestuy art profitoient si bien que, partans du lieu et retournés en leur provinc<!, viv.oient honnestement du mestier de tesmoignerie, rendanssceur tesmoignage de toutes choses à ceux qui plus donneroient par journée, et tout
par Ouy dire. Dictes en ce que vouldrez, mais ils nous donnèrent de leurs clianteanx, et beusmes à leurs barils à bonne chere. Puis nous advcrliriint cordialement, qu’eussions à espargner vérité, tant que possible nous seroit, si voulions parvenir en cour de grands seigneurs.
