CHAPITRE XL
COHMENT EN L’EMBLEMATVRE KSTOIT KIGURÉ LE HODRT ET l'aSSACT QUE DONNOIT LE BON BACCHUS CONTRE LES INDIANS
Conséquemment estoit figuré le hourt et l’assaut que donnoit le bon Bacchus contre les Indians. Là considerois que Silenus, chef de l’avant garde, suoit à grosses gouttes et son asne aigrement tourmentoit; l’asne de mesme ouvrait la gueule horriblement, s'esmouchoit, desmanchoiti s’escarmouchoit, en façon espouvantable, comme s’il eust un freslon au cul.
I.es Satyres, capitaines, sei^ens de bandes, caps d’escadre, corporals, avec cornaboux sonnant les orthies, furieusement tournoient au tour de l’armée à sauts de chevres, à bonds, à pets, à ruades et penades, donnans courage aux compaignons de vertueusement combattre. Tout le monde en figure crioit Evohe. Les Menades premières faisoient incursion sur les Indians avec cris horribles, et sons éspouvantables de leurs timbons et boucliers ; tout le ciel en retentissoit, comme designoit l’Emblemature, afin que plus tant n’admirez l’art d’Apelles, Aristides Thebain, et autres, qui ont peint les tonnerres, esclairs, foudres, vents, paroles, mœurs, et les esprits.
Consequemment estoit l’ost des Indians comme adverty que Bacchus mettoit leur pays en vastation. En front estoient les elephans, chargés de tours, avec gens de guerre en nombre infiny ; mais toute l’armée estoit en, route et contre eux, et sus eux se tournoient et marchoient leurs elephans par le tumulte horrible des Bacchides, et la terreur panique qui leur avoit le sens tollu. Là eussiez veu Silenus son asne aigrement talonner, et s’escrimer de son baston à la vieille escrime, son asne voltiger après les elephans la gueule bée, comme s’il brailloit, et braillant martialement (en pareille braveté que jadis esveilla la nymphe Lottis en pleins Bacchanales, quand Priapus plein de priapisme la vouloit dormant priapiser sans la prier) sonnast l’assaut.
Là eussiez veu Pan sauteler avec ses jambes tortes autour des Menades, avec sa flutte rustique les exciter à vertueusement combattre. Là eussiez aussi veu en après un jeune Satyre mener prisonniers dix sept roys, une
Bacchide tirer avec ses serpens quarante et deux capitaines, un petit Faune porter douze enseignes prinses sur les ennemis, et le bon homme Bacchus sur son char se pourmener en sceurelé parmy le camp, riant, se gaudissatit et beuvant d'autant à un chascun. En fin estoit représenté, en figiu'e emblématique, le trophée de la victoire et triomphe du bon Bacchus.
Son char triomphant estoit tout couvert de lierre, prins et cueilly en la montagne Meros, et ce pour -la rarité, laquelle hausse le prix de toutes choses, en Indie expressément d’icelles herbes. En ce depuis l'imita .Alexandre le Grand en son triomphe Indique, et estoit le char tiré par elephans joints ensemble. En ce depuis l’imita Pompée le Grand à Rome, en son triomphe Africain. Dessus estoit le noble Bacchus beuvant en un canthare. En ce depuis l'imita Caius Marius, après la victoire des Cimbres, iju’il obtint prés Aix en Provence. Toute son armée estoit couronnée de lierre ; leurs tyrses, boucliers et tymbons en estoient couvers. 11 n’estoit l'asne de Silenus qui n’en fust capparassonné.
Es costés du char estoient les roys Indians, prins et liés à grosses chaûnes d'or ; toute la brigade marchoit avec pompes divines en joie et liesse indicibles, portant infinis trophées et fercules et despouilles des ennemis, en joyeux epinicies et petites chansons villatiques et dithyrambes resonnans. Au bout estoit descrit le pays d’Ægypte, avec le Nil et ses crocodilles, cercopithecques, ibides, singes, Irochiles, ichneumones, hippopotames, et autres besles à luy domestiques, et Bacchus marchoit en icelles contrées à la conduite de deux bœufs, sus l’un desquels estoit escrit en lettres d’or : Apis, sus l’autre : Osiris, pource qu’en Ægyple, avant la venue de Bacchus, n’avoit esté veu bœuf ny vache.
