COMHENT LE TEMPLE ESTOIT ESCLAIHÉ PAR UNE LAMPE ADMIRABLE

Avant qu’entrer en l’exposition de la Bouteille, je vous descriray la liguaadmirable d’une lampe, moyennant laquelle estoit eslarçie lumière par tout le temple, tant copieuse qu’encores qu’il fust soubterrain on y voyoit comme en plein midy nous voyons le soleil clair et serain luisant sus terre. Au milieu de la voulte estoit un anneau d’or massif attaché, de la grosseur de plein poing, auquel pendoient, de grosseur peu moindre, trois chaines bien artificiellement faites, lesquelles de deux pieds et demy en l’air comprenaient en figure triangle une lame de fin or, ronde, de telle grandeur que le diamètre excedoit deux coudées et demie palme. En icelle