DES MALADIES DE CESTE ANNÉE

Geste année les aveugles ne verront que bien peu, les sourds oyront assez mal, les muetz ne parleront guieres, les riches se porteront un peu mieulx que les pauvres, et les sains mieulx que les malades. Plusieurs moutons, beitfi, pourceaulx, oysons, pouletz et canars mourront, et ne sera sy cruelle mortalité entre les cinges et dromadaires. Vieillesse sera incurable ceste année à cause des années passées. Ceulx qui seront pleureticques auront grand mal au cousté. C,eulx qui auront flus de ventre iront souvent à la celle percée; les catharrec descendront ceste année du cerveau es membres inferieurs; le mal des yeux sera fort contraire à la veue ; les aureilles seront courtes et rares en Gua.scongne plus que de coustume. Et repera quasi universellement une maladie bien horrible et redoubtable, malipe, perverse, espoventable et mal-plaisante, laquelle rendra le monde bien estonné, et dont plusieurs ne sçauront de qud boys faire fléchés, et bien souvent composeront en ravasserie syllogisans en k Pierre philosophale, et es aureilles de Midas. Je tremble de peur quand je y pense : car je vous diz qu’elle sera epidimiale, et l’appelle Averroys vu Colliget ; faulte d’argent. Et attendu le comete de l’an passé et la retropadation de Saturne, mourra à l’Hospital un pand marault tout catharré et croustelcvé, i la mort du quel sera sédition horrible entre les chatz et les rats, entre les chiens et les lievres, entre les faulcons et canars, entre les moines et les œufz.