DES ECCUPSES DE GESTE ANNÉE

Ceste année seront tant d’ecclipses du soleil et de la lune que j’ay peur (et’ non à tort) que noz bourses en pâtiront inanition, et nos sens perturbation. Saturne sera rétrogradé. Venus directe, Merc.ure inconstant. Et un tas d’aultres Planètes ne iront pas à vostre commandement.

PANTAGRUELINE PROGNOSTICATION

Dont pour ccste année les Chancres iront de cousté, et les cordiers à reculons. Les escabelles monteront sur les banr.s, les broches sus les landiers, et les bonnetz sus les chapeaulx; les couilles pendront à plusieurs par faulte de gibessieres ; les pusccs seront noires pour la plus grande part ; le lard fuira les pois en Quaresme ; le ventre ira devant ; le cul se assoira le premier ; l’on ne pourra trouver la febve au gasteau des Roys; l’on ne rencontrera *poinct d’as au flux; le dez ne dira poinct à soubhait quoy qu’on le flate, et ne viendra souvant la chance qu’on demande ; les bestes parleront en divers lieux. Quare»meprenant gaignera son procez : l’une partie du monde se desguiscra pour tromper l'aultre, et courront parniy les rues comme folz et hors du sens; l’on ne veit oneques tel desordre en Nature. Et se feront ceste année plus de xxvii verbes anomaulx, si Priscian ne les tient de court. Si Dieu ne nous ayde, nous aurons prou d’affaires ; mais au contrepoinct, s’il est pour nous, rien ne nous poun'a nuyre, comme dict le celeste astrologue qui feut ravi jusques au Ciel. Rom. vu. cap. 51 Deus pro nobis, quis contra nos? Ma foy, nemo, Domine; car il est trop bon et trop puissant. Icy bénissez son sainct nom, pour la pareille.