EPISTRE A J. BOUCHET

Et que frustrez du désir prétendu Nous sommes veuz, lors l’ennuy tedieux Nous a renduz si très fastidieux En nos esprits que vray nous apparoist Ce que vray n’est, et que nos sens ne croit,

Ny plus ne moins qu'à ceux qui sont sur l'eau, Passans d'un lieu à l'autre par basteau.

Il semble advis, à cause du rivage Et des grans floz, les arbres du rivage Se remuer, cheminer et danser.

Ce qu’on ne croyt et qu’on ne peult penser.

De ce j’ay bien voulu ta seigneurie Asçavanter, qu’en ceste resverie Plus longuement ne nous vueilles laisser ;

Mais quant pourras bonnement délaisser Ta tant aimée et cultivée estude.

Et différer ceste solicitude De litiger et de patrociner.

Sans plus tarder et sans plus cachiner Apreste toy promptement, et procure Les tallonniers de ton patron Mercure,

Et sus les vents te metz alegre et gent;

Car Eolus ne sera négligent De t’envoyer le bon et doulx Zephyre,

Pour te porter où plus on te desire.

Qui est céans, je m’en puis bien vanter.

,Ia (ce croy) n’est besoing t’assavanter De la faveur et parfaicte amitié Que trouveras : car presque la moitié Tu en congneuz quand vins dernièrement.

Dont peuz la reste assez entièrement Conjecturer comme subsecutoire.

Ung cas y a, dont te plaira me croire.

Que quant viendras, tu verras les seigneurs Mettre en oubly leurs estatz et honneurs Pour te chérir et bien entretenir.

Car je les oy tester et maintenir Appertement, quand escheoit le propos.

Qu’en Poictou n’a, ny en France, suppos A qui plus grant familiarité Veullent avoir, ny plus grant chaiité.

Car tes escritz, tant doulx et meliflues.

Leur sont, au temps et heures superflues A leur affaire, un joyeux passetemps.

Dont deschasser les ennuytz et contemps Peuvent des cœurs, ensemble proufRter En bonnes mœurs, pour honneur mériter.

Car, quant je lis tes euvres, il me semble Que j’apperçoy ces deux points tous ensemble Ësquelz le pris est donné en doctrine,