A JEHAN BOUCHET

TRATCTANT DES YMAGINATIONS Qu’oN PEUT AVOIR

ATTENDANT LA CHOSE DESmÉE

L’espoir certain et parfaicte asseurance De ton retour plein de resjouyssancc,

Que nous donnas à ton partir d’icy,

Nous a tenu jusques ore en soulcy Assez fascheulx, et très griefve ancolye,

Dont nos espritz, taincts de merencolie,

Par longue attente et vehement désir,

Sont de leurs lieux esquelz souloient gésir Tant deslochés et haultement raviz Que nous cuidons et si nous est advis Qu’heures sont jours, et jours plaines années. Et siecle entier ces neuf ou dix journées :

Non pas qu’au vray nous croyons que les astres. Qui sont reiglez, perraanans en leurs atres, Ayent dévoyé de leur vray mouvement.

Et que les jours telz soient asseurement Que cil quant print Josué Gabaon,

Car ung tel jour depuis n’arriva on.

Ou que les nuyetz croyons estre semblables A celle là que racontent les fables Quant Jupiter de la belle Alcmena Fist Hercules, qui tant se pourmena.

Ce ne croyons, ny n’est aussi de croire ;

Et toutesfois, quant nous vient à mémoire Que tu promis retourner dans sept jours.

Nous n’avons eu joye, repos, séjours.

Depuis que fut ce temps prefix passé.

Que nous n’ayons les momens compassé,

Et calcullé les heures et mynutes.

En t’attendant quasi à toutes meutes.

Mais quant avons si longtemps attendu.