LIVRE I, CHAPITRE XVII

Suric, c»qudz fault (si Tenaud dit vray) afTuster une charrette au cul pour la porter, tant elle est longue et pesante. Vous ne l’avez pas telle, vous aultres paillards de plat pays. Et fut amenée par mer en trois carra* ques et un brigantih, jusques au port de Olone en Thalmondois. Lorsque Grandgousier la vit ; a Voicy, dist il, bien le cas pour porter mon filz à Paris. Or ça, de par Dieu, tout ira bien. Il sera grand clerc au temps advenir. Si n’estoient messieurs les bestes, nous vivrions comme clercs. »

Au lendemain, 'après boire (conune entendez) prindrent chemin Gargantua, son précepteur Ponocrates et ses gens : ensemble eux Eudemon le jeune paige. Et, parce que c’estoit en temps serain et bien attrempé, son pere luy fit faire des bottes fauves : Babin les nomme brodequins. Ainsi joyeusement passèrent leur grand chemin et tousjours grand chere, jusques au dessus d’Orléans. Auquel lieu estoit une ample forest, de la longueur de trente et cinq lieues, et de largeur dix et sept, ou environ. Icelle estoit horriblement fertile et copieuse en mousches bovines et freslons : de sorte que c’estoit une vraye briganderie pour les pauvres jumens, asnes et chevaulx. Mais la jument de Gargantua vengea honnestement tous les ouvrages en icelle perpétrés sus les bestes de son espece, par un tour duquel ne se doubtoient mie. Car soudain qu’ilz furent entrés en ladicte forest, et que les freslons luy eurent livré l’assault, elle desgaina sa queue, et si bien, s'escarmouchant, les esmoucha, qu'elle en abatit tout le bois ; à tord, à travers, de çà, de là, par cy, par là, de long, de large, dessus, dessous, abatoit bois comme un fauscheur faict d’herbes. En sorte que, depuis, n’y eut ne bois ne freslons ; mais fut tout le pays reduict en campaigne.

Quoy voyant Gargantua, y print plaisir bien grand, sans aultrement s’en vanter, et dist à ses gens : « Je trouve beau ce. » Dont fut depuis appellé ce pays la Beauce. Mais tout leur desjeuner fiit par baisler. En mémoire de quoy, encores de présent, les gentilz hommes de Beauce desjeunent de baisler, et s’en trouvent fort bien, et n’en crachent que m'ealx.

Finalement arrivèrent à Paris ; auquel lieu se refraichit deux ou trois jours, faisant chere lye avec ses gens, et s’enquestant quelz gens sçavans estoient pour lors en la ville, et quel vin on y beuvoit.