CHAPITRE XVII

COMMENT GARGANTUA PAYA SA BIEN VENUE ES PARISIENS ET COKXENT IL PRINT LES GROSSES CLOCHES DE NOSTRE-DAKE

Quelques jours après qu’ilz se furent refraichis, il visita la ville, et fut veu de tout le monde en grande admiration. Car le peuple de Paris est tant

GARGANTUA

sot, tant badaut, et tant inepte de nature, qu'un basteleur, un porteur de rogatons, un mulet avec ses cj-mbales, un vielleux au milieu d’un carre^ j

four assemblera plus de gens que ne ferait un bon prescheur evangelique. V T- Et tant molestement le poursuivirent qu’il fut contrainct soy reposer sus les tours de l’eglisc Nostre Dame. Auquel lieu estant, et voyant tant de gens à l’entour de soy, dist clairement :

a Je Cray que ces marroufles veulent que je leur paye icy ma bien venue et mon proficiat. C’est raison. Je leur vais donner le vin ; mais ce ne sera que par rys. » Lors, en soubriant, destacha sa belle brs^ette, et, tirant sa mentule en l'air, les compissa si aigrement qu’il en noya deux cens soixante mille quatre cens dix et huit, sans les femmes et petits enfans.

Quelque nombre d’iceux evada ce pissefort à legiereté des pieds. Et, quaud furent au plus haut de l’Université, suans, toussans, cracbans, et hors d’haleine, commencèrent à renier et jurer : les plagues de Dieu, je renye Dieu, frandienne vez tu hen, la merdé, pro cah de bious, das dich Gots leyden schend, pote de Christo, ventre sainct Quenet, vertus guoy, par sainct Fiacre de Brje, sainct Treignant, je fais veu à sainct Thibault, pasques Dieu, le bon jour Dieu, le diable m’emport, foy de gentilhomme, par sainct Andouille, par sainct Guodegrin qui lut martyrisé de pommes cuytes, par sainct Foutin l’apostre, par sainct Vit, par saincte Mamyc, nous sommes baignés par rys. Dont fut depuis la ville nommée Paris (laquelle auparavant on appeloit Leucece, comme dit Strabo, lii. IV, c’est à dire, en grec, blanchette, pour les blanches cuisses des dames du diet lieu) ; et par aultant qu’à ceste nouvelle imposition du nom tous les assis* tans jurèrent chascun les saincts de sa paroisse, les Parisiens, qui sont faicts de toutes gens et toutes pièces, sont par nature et bons jureurs et bons juristes, et quelque peu oultrecuidés : dont estime Joaninus de Barranco, lièro de Copiositate reverentiarum, que sont dicts Parrhesiens en grecisme, c’est-à-dire fiers en parler.

Ce faict, considéra les grosses cloches qui estoient es dictes tours, et les fit sonner bien harmonieusement. Ce que faisant, luy vint en pensée qu’elles serviraient bien de campanes au col de sa jument, laquelle il voulait renvoyer à son pere, toute chargée de froumaiges de Brye et de harans frais. De faict, les emporta en son logis.

Ce pendant vint un commandeur jambonnier de sainct Antoine, pour faire sa queste suille : lequel, pour se faire entendre de loing, et faire trembler le lard au charnier, les voulut emporter furtivement ; mais par honnesteté les laissa, non parce qu’elles estoient trop chauldes, mais parce qu’elles estoient quelque peu trop pesantes à la portée. Cil ne fut pas celuy de Bourg, car il est tiop de mes amis.