EPISTRE RESPONSIVE DE J. BOUCHET

Et , quant à moy , encore suis honteux Du bon recueil si franc et non doubteux Que ces seigneurs me feirent de leur grâce, Presens plusieurs, voire en publique place.

Et au privé, dont les cornes d’honneur Peins de Moyse, et présagé en bon heur.

Non seulement me feirent telle chere.

Mais tous leurs gens, qui est relique chere : Car le penser de ce tant bon recueil Me faict ouvrir l’intellectuel œil,

Pour méditer qu’en telle seigneurie A plus d’honneur, hors toute flaterie.

Plus de doulceur et plus d’humilité Cent mille fois qu’en la rusticité Des palatins et gros bourgeois de ville,

Dont l’arrogance est tant fâcheuse et vile.

Et leur cuider si très presumptueulx Qu’on ne peut venir entre eulx les vertueux; Qui fait congnoistre en grosse compaignée Les gens de bien et de bonne lignée.

Or pense donc, tant dévot orateur.

Que rien de moy n’a esté détenteur De retourner venir le tien herrait^e.

Fors seulement le petit tripotage De plaictz, procès et causes que conduys De plusieurs gens, où peu je me desduys. Mais contrainct suis le faire pour le vivre De moy, ma femme et enfans. Car le livre D’ung orateur, ou son plaisant diviz Mieux aimerois, ainsi te soit adviz.

Plus n’en auras, fors que me recomande Treshumblement a la tresnoble bande De ces seigneurs dont j’ay dessus escript.

En suppliant le benoist saint Esprit Qu’à tous vous donne et octroyé la vie Du vieil Nestor, en honneur, sans envie.

Et que tousjours puissions leur grâce avoir,

Et bien souvent par epistres nous venir.

C’est de Poictiers, le huitiesrae septembre. Lorsque Titan se mussoit en sa chambre,

Et que Lucine ung peu se desbouchoit.

Par le tout tien serviteur

Jean Bouchet.