LIVRE I, CHAPITRE XVIII

.Joute la ville fut esmeue en sédition, comme vous sçavez qu’à ce ilx sont tant faciles, que les nations estranges s'esbahissent de la patience des rois de France, lesquelz aultrement par bonne justice ne les refrenent, veus les inconveniens qui en sortent de jour en jour. Pleust à Dieu que je sceusse l'oflicine en laquelle sont forgés ces schismes et monopoles, pour les mettre en evidence es confrarics de ma paroisse ! Croyez que le lieu auquel convint le peuple, tout folfré et habeliné, fut Sorbone, où lors estoit, maintenant n’est plus l’oracle de Leucece. Là fut proposé le cas, et remonstre l’inconvenient des cloches transportées.

Après avoir biéh ergoté pro et contra, fut conclud en baralipton que l’on envoiroit le plus vieux et suffisant de la faculté théologale vers Gargantua, pour luy remonstrer l’horrible inconvénient de la perte d’icelles cloches. Et, non obstant la remonstrance d’aulcuus de l’Université, qui alleguoient que ceste charge mieulx competoit à un orateur qu’à un théologien, fut à cest affaire esleu nostre maistre Janotus de Bragmardo.