LIVRE 1, CHAPITRE XXXII
bien payées ; nous aimons tant la paix que nous en rendons cinq cliarretees : desquelles ceste icy sera pour .Marqnet, qui plus se plainct. Dadvantaige, pour le contenter entièrement, voylâ sept cens mille et trois philippus que je luy livre; et, pour l’interest qu’il ponrroit prétendre, je luy cede la mestairie de la Pomardiere, à perpétuité, pour luy et les siens, possedablc en franc alloy ; voyez ci le contract de la transaction. Et pour Dieu vivons dorénavant en paix, et vous retirez en vos terres joyeusement ; cedans ceste place icy, on laquelle n’avez droict quelconques, comme bien le confessez. Et amis comme par avant. » ,
Touquedillon raconta le tout à Picrochole, et de plus en plus envenima son couraige, lui disant : a Ces rustres ont belle peur : par Dieu, Graiidgousicr se conchie, le pauvre beuveur; ce n’est pas son art d’aller en guerre, mais ony bien vuider les flaccons Je suis d’opinion que retenons ces fouaces et l’argent, et au reste nous hastons de remparer ici et poursuivre nostre fortune. Mais pensent ilz bien avoir affaire à une dnppe, de vous paistre de ces fouaces? Voylà que c’est, le bon traictement et la grande familiarité que leur avez par cy devant tenue vous ont renllii envers eux contemptible. Oignez villain, il vous poindra. Poignez villain, il vous oindra
— Ça, ça, ça, dist Picrochole, sainct jàcques ! ilz en auront; faictes ainsi qu’avez dict. — D’une chose, dist Touquedillon, vous veulx je advertir. Nous sommes icy assez mal avitaillés, et pourveus maigrement des hamois de gueule. Si Grandgousier nous mettoit siégé, des à présent m’en irois faire arracher les dents toutes, seulement que trois me restassent, autant à vos gens comme à moy ; avec icelles nous n’avancerons que trop à manger nos munitions. — Nous, dist Picrochole, n’aurons que trop mangeailles. Sommes nous icy pour manger ou pour batailler? — Pour batailler, vrayement, dist Touquedillon; mais de la panse vient ki danse, et où faim rogne force exule.
— Tant jazer, dist Picrochole. Saisissez ce qu’ilz ont amené. »
A donc prindrent argent, et fouaces, et bœufz, et charrettes, et les renvoyèrent sans mot dire, sinon que plus n’aprochassent de si prés, pour la cause qu’on leur diroit demain. Ainsi sans rien faire retournèrent devers Grandgousier, et luy contèrent le tout : adjoustans qu’il n’estoiV. aucun espoir de les tirer à paix, sinon à vive et forte guerre.
GARGANTUA
en
