COMMENT CERTAINS OOÜVERNEÜBS DE PICBOCHOLE, PAR CONSEIL PRÉCIPITÉ

LE MIUENT AD DEimiER PERIL

Les fouaces destroussées, comparurent devant Picrochole les ducs de Sleiiuail, comte Spadassin et capitaine Merdaille, et luy dirent : « Sire, aujourd’huy nous vous rendons le plus heureux, plus chevaleureux prince qui onques fiist depuis la mort d’Alexandre Macedo. — Couvrez, couvrez vous, dist Picrochole. — Grand mercy, dirent ilz, sire; nous sommes à nostre debvoir. Le moyen est tel. Vous laisserez icy quelque capitaine en garnison, avec petite bande de gens, pour garder la place, laquelle nous semble assez forte, tant par nature que par les rempars faicts à vostre invention. Vostre armée partirez en deux, comme trop mieulx l’entendez. L’une partie ira ruer sur c& Grandgousier et ses gens. Par icelle sera de prime adordée facilement desconfit. Là recouvrerez argent à tas, car le vilain en a du content. Vilain, disons nous, parce qu’un noble prince n’a jamais un sou. Thesaurizer est faict de vilain.

« L’aultre partie ce pendant tirera vers Onys, Sanctonge, Angomois, et Gascoigne : ensemble Perigot, Medoc, et Elanes. Sans resistence prendront villes, chastcaux, et forteresses. A Bayonne, à sainct Jean de Luc, et Fontarabic, saisirez toutes les naufz, et, costoyant vers Galice et Portugal, pillerez tous les lieux maritimes, jusques à Ulisbone, où aurez renfort de tout équipage requis à un conquerent. Par le corbieu ! Espaigne se rendra, car ce ne sont que madourrés. Vous passerez par l’estroicl de Sibyle, et là erigerez deux colomnes plus magnifiques que celles de Hercules, à perpétuelle mémoire de vostre nom. Et sera nommé cestuy destroict la mer Picrocholine.

« Passée la mer Picrocholine, voicy Barberoussc qui se rend vostre esclave. — Je, dist Picrochole, le prendray à mercy. — Voire, dirent ilz, pourveu qu’il se face baptiser. Et oppugnerez les royaumes de Tunic, de Hippes, Arçiere, Bone, Coroue, hardiment toute Barbarie. Passant oultre, retiendrez en vostre main Maiorque, Minorque, Sardaine, Corsicque, et aultres isles de la mer IJgusticquc et Baléare. Costoyant à gauche, dominerez toute la Gaule Narbonique, Provence, et Allobroges, Genes, Florence, Luques, et à Dieu seas Rome. Le pauvre monsieur du pape meurt dcsjà de peur. — Par mâ foy, dist Picrochole, je ne luy baiseray ja sa pantoufle.

— Priose Italie, veylà Naples, Calabre, Apoulle, et Sicile toutes à sae.