CHAPITRE XXXVII
COMMENT G.VHGANTOA, SOY FEIGNANT, FAISOIT TOHOEB DE SES CHEVEDZ LES BOULLET8 D’ARTILLERU
Issus la rive de Vede, peu de temps après abordèrent au chasteau de Grandgousier, qui les attendoit en grand désir. A sa venue, ilz le festoyèrent à tour de bras ; jamais on ne vit gens plus joyeux : car Sup^ plemenlum supphmenli chronicorum dit que Gargamelle y mourut do oye : je n’en sçay rien de ma part, et bien peu me soucie ny d’elle ny jd’aultre. La vérité fut que Garçantua, se refraischissant d’habillemens, et se testonnant de son peigne (qui estoit grand de cent cannes, tout appointé de grandes dents d’elephans toutes entières), faisoit tomber à cliascun coup plus de sept balles de boullets qui luy estoient demourés entre les cheveux à la démolition du bois de Vede.
Ce que voyant Grandgousier son pere, pensoit que fussent poux, et luy dit : « Dea, mon bon filz, nous as tu apporté jusques icy des esparviers de Montagu? Je n’enlendois que là tu fisses résidence. » Adonc Ponocrates respondit : « Seigneur, ne pensez pas que je l’aye mis au colliege de pouillerie qu’on nomme Montagu : miealx l’eusse voulu mettro entre les guenaux de Sainct Innocent, pour l’enormc cruaulté et villenie que j’y ay cogneu ; car trop mieulx sont traictés les forcés entre les Maures et Tartares, les meurtriers en la prison criminelle, voire certes les «biens en vostre maison, que ne sont ces malautrus au dict colliege. Et,
GARGANTUA
sij’estoy roy de Paris, le diable m’emport si je ne mettois le feu dedans, et faisois brusler et principal et regens, qui endurent ceste inhumanité devant leurs yeulx estre exercée. »
Lors, levant un de ces boullets, dist : a Ce sont coups de canons que naguieres a receu vostre filz Gargantua, passant devant le bois de Vede,
« par la trahison de vos ennemis. Mais ilz en eurent telle recompense qu'ilz sont tous periz en la ruine du chasteau; comme les Philistins par l’engin de Sanson, et ceux que opprima la tour de Siloé; desquelz est escript, Zue, xiu. Iceux je suis d'advis que nous poursuivons, ce pendant que l'heur est pour nous, car l'occasion a tous ses cheveux au front : quand elle est oultre passée, vous ne la pouvez plus revocquer ; elle est chauvi* par le darriere de la teste, et jamais plus ne retourne. — Vrayement, disi Grandgousier, ce ne sera pas à ceste heure, car je veulx vous festoyer pour ce soir, et soyez les très bien venus. »
Ce dict, on appresta le souper, et de surcroist lurent roustis seize bœufz, trois genisses, trente et deux veaux, soixante et trois chevreaux moissonniers, quatre vingt quinze moutons, trois cens gorets de laict à beau moust, unze vingt perdrix, sept cens bécasses, quatre cens chappons de Loudunois et Cornouaille, six mille pouUets et autant de pigeons, six cens galinottes, quatorze cens levraux, trois cens et trois ostardes, et mille sept cens hutaudeaux ; de venaison l’on ne peut tant soubdain recouvrir, fors unze sangliers qu’envoya l'abbé de Turpenay, et dix et huict hestes fauves que donna le seigneur de Grandmont ; ensemble ^ept vingt faisans qu’envoya le seigneur des Ëssars, et quelques douzaines de ramiers, d’oiseaux de riviere, de cercelles, buours, courtes, pluviers, francolys, cravans, tyransons, vauereaux, tadournes, pochccullieres, pouacres, hegronneaux, foulques, aigrettes, cigoingnes, cannes petieres, oranges, llammans (qui sont phœnicopteres), terrigoles, poulies de Inde; force coscossons, et renfort de potages. Sans poinct de faulte, y estoitde vivres abondance ; et furent apprestés honnestement par Frippesaulce, Hoschepot et Pilleveijus, cuisiniers de Grandgousier. Janot, Micquel, et Verrenet, appresterent fort bien à boire.
