LIVRE I, CHAPITRE XXXVIll

les choux et lectues. Gargantua se trouva quelque peu altéré, et demanda si l’on poiirroit trouver des lectues pour faire une sallade. Et, entendant qu^il y en avoit des plus belles et grandes du pays, car elles estoient grandes comme pruniers ou noyers, y voulut aller luy mesme, et en emporta en sa main ce que bon luy sembla; ensemble emporta les six pèlerins, lesquels avoient si grand peur qu’ilz n’osoient ny parler ny tousser. •

Les lavant donc premièrement en la fontaine, les pèlerins disoient en voix basse l’un à l’aultre : « Qu’est il de faire? nous noyons ici entre ces lectues; parlerons nous? Mais, si nous parlons, il nous tuera comme espies. » Et, comme ilz deliberoient ainsi, Gargantua les mit avec ses lectues dedans un plat de la maison, grand comme la tonne de Cisteaux; et, avec huile et vinaigre et sel, les mangeoit pour soy refraischir davant souper : et avoit ja engoullé cinq des pèlerins ; le sixiesme estoit dedans le plat, caché sous une lectue, excepté son bourdon, qui apparoissoit au dessus. Lequel voyant Grandgousier, dist à Gargantua : « Je croy que c’est là une corne de limasson, ne le mangez poinct. — Pourquoy? dist Gargantua, ilz sont bons tout ce mois. » Et, tirant le bourdon, ensemble enleva le pelerin, et le mangeoit très bien. Puis beut un horrible traict de I vin pineau, en attendant que l’on apprestast le souper.

Les pèlerins, ainsi dévorés, se tirèrent hors les meulles de ses dent ; le mieulx que faire peurent, et pensoient qu’ou les eust mis en quelque basse fousse des prisons. Et, lorsque Gargantua beut le grand traict, cui- ' derent noyer en sa bouche, et le torrent du vin presque les emporta au gouffre de son estomac : toutesfois, saultans avec leurs bourdons, comme font les micquelotz, se mirent en franchise l’orée des dents. Mais, par malheur, l’un d’eux, tastant avec son bourdon le pays, à savoir s’ilz estoient en seureté, frappa rudement en la huiltc d’une dent creuse, et ferut le nerf de la mandibule : dont fit très forte douleur à Gargantua, et commença crier de raige qu’il enduroit. Pour donc se soulager du mal, fit apporter son curedens, et, sortant vers le noyer grollier, vous denigea bien messieurs les pèlerins.

Car il arrapoit l’un par les jambes, l’aultre par les espaules, l’aultre par la besace, l’aultre par la fouillouze, l’aultre par l’escharpe ; et, le pauvr# haire qui l’avoit féru du bourdon, l’accrocha par la braguette : toutesfois ce luy fut un grand heur, car il luy perça une bosse chancreuse qui le martirisoit depuis le temps qu’ilz eurent passé Ancenys. Ainsi les pèlerins deiiigés s'enfuirent à travers la plante le beau trot, et appaisa la douleur.

En laquelle heure fut appellé par Eudemon pour souper, car tout estoit prest. « Je m’en vais donc, dist il, pisser mon malheur » Lors pissa si copieusement que l’urine trancha le chemin aux pèlerins, et furent con-

GARGANTUA 7S

traincts passer la grande Itoyre. Passans de là par l’orée de la touche en plein chemin, tombèrent tous, excepté Fournillier, en une trape qu’on avoit faicte pour prendre les loups à la trainnée. Dont eschapperent moyennant l’industrie dudict Fournillier, qui rompit tous les lacs et cordages. De là issus, pour le reste de ceste nuyt couchèrent en une loge prés le Couldray.

Et là furent réconfortés de leur malheur par les bonnes paroles d’un de leur compagnie, nommé Lasdaller; lequel leur remonstra que ceste adven-

ture avoit esté predicte par David, Psal Cum exsurgerent homines

in nos, forte vivos déglutissent nos, quand nous fusmes mangé^ en salade au grain du sel. Cum irasceretur furor eorum in nos forsitan aqua absorbuisset nos, quand il beut le grand traict. Torrentem pertransivit anima nostra, quand nous passasmes la grande boyre. Forsitan pertransisset anima nostra aquam intolerabilem, de son urine, dont il nous tailla le chemin. Benedictus Dominus, qui non dédit nos in captionem dentibus eorum. Anima nostra, sicut passer, erepta est de laqueo venantium, quand nous tombasmes en la trape. Laqueus contritus est par Fournillier, et nos liberati sumus. Adjutorium nostrum, etc.