LIVRE I, CHAPITRE XL
cagoule tire à soy les opprobres, injures et malédictions du monde, tout ainsi comme le vent, dit Cecias, attire les nues. La raison peremptoire est parce qu’ilz mangent la merde du monde, c’est à dire les péchés, et, comme machemerdes, l'on les rejecte en leurs retraicts : ce sont leurs convents et abbayes, séparés de conversation politicque comme sont les retraicts d'une maison. Mais si entendez pourquoy un .^inge en une famille est tousjours mocqué et herselé, vous entendrez pourquoy les moines sont de tous refuis, et des vieux et des jeunes. Le cinge ne garde poinct la maison, comme un chien ; il ne tire pas l’aroy, comme le bœuf ; il ne produict ny laict, ni laine, comme la brebis ; il ne porte pas le faix, comme le cheval. Ce qu’il fait est tout conchier et degaster, qui est la cause pour quoy de tous repçoit mocqueries et bastonnades.
« Semblablement, un moine ( j’entends de ces ocieux moines ) ne laboure, comme le paysant; ne garde le pays, comme l’homme de guerre ; ne guérit les malades, comme le médecin ; ne presche ny endoctrine le monde, comme le bon docteur evangelique et pédagogue; ne porte les conunodités et choses necessaires à la republicque, comme le marchant. C’est la cause pourquoy de tous sont hués et abhorris. — Voire mais, dist Grandgousier, ilz prient Dieu pour nous. — Rien moins, respondit Gargantua. Vray est qu’ilz molestent tout leur voisinage à force de trinqueballer leurs cloches. — Voire, dist le moine, une messe, unes matines, unes vespres bien sonnées, sont à demy dictes. — Hz marmonnent grand renfort de legendes et pseaulmes nullement par eux entenduz. I Hz comptent force patenostres, entrelardées de longs Ave Maria, sans y / penser ny entendre. Et ce j’appelle mocque Dieu, non oraison. Mais ainsi leur aide Dieu, s’ils prient pour nous, et non par peur de perdre leurs miches et souppes grasses. Tous vrais christians, de tous estais, en tous lieux, en tous temps, prient Dieu, et l’esperit prie et interpelle pour iceux; et Dieu les pront en grâce. Maintenant, tel est nostre bon frere Jean. Pourtant chascun le souhaite en sa compaignie. H n’est poinct bigot, il n’est poinct dessiré ; il est honneste, joyeulx, délibéré, bon compaignon. H travaille, il labeure, il defent les opprimés, il conforte les affligés, il subvient es souffreteux, il garde le clos de l’abbaye. — Je fais, dit le mmne, bien davantaige. Car, en depeschant nos matines et anniversaires au cœur, ensemble je fais des chordes d’arbaleste, je polis des matras et garrotz ; je fais des retz et des poches à prendre les connis. Jamais je ne suis oisif. Mais or cza, à boire, à boire, cza. Apporte le fruict. Ce sont chastaignes du bois d'Estrocs. Avec bon vin nouveau, voy vous là composeur de petz. Vous n’estes encore céans amoustillés. Par Dieu ! je boy à tous gués, comme un cheval de promoteur. » Gymnaste luy dist : « Frere Jean, osiez ceste
GARGANTUA
rouppie qui vous pend au nez. — Ha, ha, dist le moine, serois je en dangier de noyer, veu que suis en l’eau jusques au nez? Non, non. Quare? • Quia
Elle en sort bien, mais poinct n’y entre.
Car il est bien antidoté de pampre.
« O mon amy, qui auroit bottes d’hyver de tel cuir, hardiment pourroit il pescher aux huytres, car jamais ne prendroient eau. — Pourquoy, dist Gargantua, est ce que frere Jean a si beau nez ? — Par ce, respondit (îrandgousier, qu'ainsi Dieu l’a voulu ; lequel nous fait en telle forme et telle fin, selon son divin arbitre, que fait un potier ses vaisseaux. — Par ce, dist Ponocrates, qu’il fut des premiers à la foire des nez. Il print des plus beaux et des plus grands. — Trut avant, dist le moine, selon vraye philosophie monasticque, c’est parce que ma nourrice avoit les tetins molletz; en la laictant, mon nez y enfondroit com ne en beurre, et là s’eslevoit et croissoit comme la paste dedans la mect. Les durs tetins de nourrices font les enfans camus. Mais, gay, gay ! ad formant nasi cognoscitur ad te levam. Je ne mange jamais de confitures. Page, à lahumerie! Item rousties! ?>
