COMMENT LE MOINE FIT DORMIR GARGANTUA, ET DE SES HEURES ET BREVIAIRE

Le souper achevé, consultèrent sus l’affaire instant, et fut conclud qu’environ la minuyt, ilz sortiroient à l'escarmouche pour savoir quel guet et diligence faisoient leurs ennemis; et, ce pendant, qu’ilz se reposcroient quelque peu, pour estre plus frais. Mais Gargantua ne pouvoit dormir, en quelque façon qu'il se mist. Dont luy dist le moine : « Je ne dors jamais bien à mon aise sinon quand je suis au sermon, ou quand je prie Dieu. Je vous supplie, commençons, vous et moy, les sept pseaulmes pour voir si tantost ne serez endormy. » L’invention pleut très bien à Gai^antua, et, commençans le premier pseaulme, sus le poinct de heati quorum s’endormirent et l’uu et l’aultre. Mais le moine ne faillit oneques à s’esveiller avant la minuyt, tant il estoit habitué à l’heure des matines claustrales.

Luy esveillé, tous les aultres esveilla, chantant à pleine voix la chanson.

Ho, Régnault, resveille toy, veille, ,

O Régnault, resveille toy.

Quand tous furent esveillés, il dist : « Messieurs, l’on dist que matines commencent par tousser, et souper par boire. Faisons à rebours, commençons maintenant nos ftiatines par boire, et ce soir, à l’entrée de souper, nous tousserons à qui mieulx mieulx. » Dont dist Gargantua :