ET COMHE.NT II. PENDIT A VN ARBRE
Or s'en vont les mibles champions à leur adventure, bien délibérés d'enleiidre quelle rencontre fauldra poursuivre, et de quoy se fauldra contregarder quand viendra la journée de la grande et horrible bataille. Et le moine leur donne couraige, disant : « Enfans, n'.iyez ny paour ny
GARGANTUA
double, je vous conduiray seurement. Dieu et sainct Benoist soient avec nous! SiJ’avois la force de mesmes le couraige, par la mort bieu! je vous les plumerois comme un canart. Je ne crains rien fors l’artillerie. Toutesfois je sçay quelque oraison que m’a baillé le sous secretain de iiostre abbaye, laquelle guarentit la personne de toutes bouches à feu. Mais elle ne me profitera de rien, car je n’y adjousle poinct de foy. Toutefois, mon baston de croix fera diables. Par Dieu ! qui fera la cane de vous aultres, je me donne au diable si je ne le fais' moine en mon lieu, «t Penche vestre de mon froc : il porte medicine à couardise de gens.
« Avez poinct ouy parler du levrier de monsieur de Meurles, qui ne valoil rien pour les champs? Il lui mit unfroc au col : par le corps Dieu ! iln’eschappoit iiy lievTe, ny renard devant my ; et, que plus est, couvrit toutes les chiennes du pays, qui auparavant estoit csrené, et de frigidis et malefidatis. »
Iji moine, disant ces paroles en cholere, passa sous un noyer, tirant vers la saullaye, et embrocha la visiere de son heaulme à la roupte d’une grosse branche du noyer. Ce non ohstant, donna fierement des espérons il son cheval, lequel estoit chastouilleux à la poincte ; en maniéré que le cheval bondit en avant, et le moine, voulant défaire sa visiere du croc, lasche la bride, et de la main se pend aux branches, ce pendant que le cheval se desrobe dessous luy. Par ce moyen, demeura le moine pendant uu noyer, et criant à l’aide et au meurtre, protestant aussi de trahison.
Eudemon premier l’apperceut, et, appellant Gaigantua : « Sire, dist il, venez et voyez Absalon pendu. » Gaigantua venu considéra la contenance du moine, et la forme dont il pendoit ; et dist à Eudemon ; « Vous avez mal rencontré, le comparant à .\bsalon : car Absalon se pendit par les cheveux, mais le moine, ras de teste, s’est pendu par les oreilles. — .Videz moy, dist le moine, de par le diable ! N’est il pas bien le temps de jaser? Vous me sembler les prescheurs decretalistes, qui disent que-quiconques verra son prochain en danger de mort, il le doibf, sus peine d’excommunication trisulce, plus tost admonester de soy confesser et mettre en estât de grâce que de luy aider.
« Quand donc je les verray tombés en la riviere et pretz d’estre noyés, en lieu de les aller quérir et bailler la main, je leur feray un beau et long sermon de contemptu mundi et fuga seculi; et lors qu’ilz seront roides mors, je les iray pescher. — Ne bouge, dist Gymnaste, mon mignon, je te vais quérir, car tu es gentil petit monachus.
Monachos in claustro Non> valet ova duo ; Sed, quando est extra, Rene valet triginta. '
